26.The Poets
- Twa Seen Meem
- Lawa ngamavesi encwadi ecacile
- Siyazi ukuthi wena uphatheka kabi emphefumulweni ngenxa yokuthi abakholwa
- Uma sithanda singehlisela phezu kwabo uphawu oluvela ezulwini oluzokwenza ukuthi kugobe izintamo zabo ngokuzithoba
- Futhi angeke kufike kubona isikhumbuzo esisha esivela (kuMvelinqangi)onomusangaphandlekokubabayasifulathela
- Ngakho-ke ngempela bayenqaba (incwadi) ziyofika kubona izindaba zalokho ababenza inhlekisa ngako
- Ababheki yini emhlabeni ukuthi zingaki izinhlobo zezinto esenza ukuthi zimile kuwona na
- Ngempela kulokho kunophawu futhi iningi labo aliyibona abakholwayo
- Futhi ngempela iNkosi yakho yona iphakeme ngamandla inesihawu
- Futhi (khumbula) ngenkathi iNkosi yakho ibiza uMose ukuthi akahambe aye kubantu abayizoni”
- Abantu baFaro, ngakube abamesabi yini uMvelinqangi na
- Wathi, “Nkosi yami ngempela mina ngiyesaba ukuthi bazongiphika.”
- Futhi isifuba sami siyacinana nolimi lwami alukhulumi kahle ngakho-ke thumela ukuthi kulandwe u-Aroni
- Futhi mina nginecala kubona, ngakho-ke ngiyesaba ukuthi bazongibulala
- Wathi, “Qha hambani nobabili nezimpawu zethu ngempela thina sikanye nani, siyezwa”
- Ngakho-ke hambani nobabili uma senifikile kuFaro nithi “thina siyizithunywa zeNkosi yemihlaba”
- Ngakho-ke bavumele abantwana bakwa-Israyeli bahambe kanye nathi
- (UFaro) wathi (kuMose), “asizange yini sikukhulise phakathi kwethu njengomntwana futhi wahlala kanye nathi iminyaka eminingi yempilo yakho na?”
- Futhi wenza isenzo sakho owasenza kulapho wena wawungomunye wabangabongi
- Wathi (uMose) “ngakwenza lokho ngenkathi mina ngangingomunye wabasephutheni”
- Ngakho-ke ngabaleka kunina ngenkathi nginesaba kepha iNkosi yami yangipha isehlulelo futhi yangenza ngaba ngomunye wezithunywa
- Futhi ngakube (iwona lowo) umusa ongikhumbuzisa wona ukuthi wagqilaza abantwana bakwa Israyeli na?”
- UFaro (Wabuza) wathi “futhi iyini iNkosi yemihlaba na?”
- (UMose waphendula) ngokuthi “iNkosi yamazulu nomhlaba kanye nakho konke okuphakathi kwako kokubili uma kungukuthi nifuna ukuqiniseka”
- (UFaro) wathi “kulabo ababemzungezile “ngakube anikuzwa yini (lokho akushoyo) na?”
- Wathi, “iNkosi yenu neNkosi yoyihlo basendulo”
- (UFaro) wathi, “ngempela isithunywa senu lesi esithunywe kunina siyahlanya”
- (UMose) wathi, “iNkosi yeMpumalanga neNtshonalanga kanye nakho konke okuphakathi kwako kokubili uma kungukuthi nina ninayo ingqondo”
- (UFaro) wathi, “uma ukhetha omunye uNkulunkulu esikhundleni sami ngempela ngizokwenza ukuthi ube ngomunye weziboshwa”
- UMose wathi, “yize noma ngingakulethela into esobala na?”
- (UFaro) wathi, “ilethe uma wena ungomunye wabaneqiniso”
- Ngakho-ke (uMose) waphonsa phansi induku yakhe kwaba yilapho iphenduka inyoka egqamile
- Futhi wakhipha isandla sakhe kwaba yilapho simhlophe kwabasibonayo
- (UFaro) wathi, ebaholini abamzungelezile ngempela lona ngumlumbi onolwazi olunzulu
- Ufuna ukunigxosha ezweni lenu ngomlingo wakhe nicabanga ukuthi kwenziwe njani
- Bathi, “mnike ithuba yena nomfowabo bese uthumela izigijimi emadolobheni”
- Ukuze zikulethele bonke abalumbi abanolwazi olunzulu
- Ngakho-ke abalumbi baqoqelwa ndawonye ukuze kuqokwe isikhathi ngosuku olwaziwayo
- Futhi kwathiwa kubantu ngakube nina niyohlangana ndawonye na
- Ukuze sibalandele abelumbi uma bona bengabanqobayo
- Ngakho-ke kwathi lapho sebefika abalumbi bathi kuFaro, “ngakube sizowuthola yini umvuzo uma thina singabanqobayo na?”
- UFarowathi,“yebofuthingempelaninanizobangabasondelayo (kumina)”
- UMose wathi kubona, “phonsani lokho enizokuphonsa”
- Ngakho-ke baziphonsa izintambo zabo kanye nezinduku zabo base bethi, “ngamandla kaFaro ngempela thina sizonqoba”
- Ngakho-ke uMose wayiphonsa phansi induku yakhe kwaba yilapho – yona ikugwinya konke lokho okungamanga ababekuveza
- Ngakho-ke bawa abelumbi bajabalala
- Bathi, “sikholiwe eNkosini yemihlaba”
- In kosi kaMose no-Aroni”
- (UFaro) wathi, “senikholiwe kuyona ngaphambi kokuba ngininike imvume ngempela yena (uMose) iyiNkosi yenu okuyiyona eyanifundisa umlingo ngakho-ke nizokwazi, ngempela ngizonquma izandla zenu kanye nezinyawo zenu ezinhlangothini ezehlukene futhi ngempela ngizoninqamuleza nonke”
- Bathi, “abukho ubungozi (asesabi lutho) ngempela thina siyophindela eNkosini yethu”
- Siyethemba ukuthi iNkosi yethu izosithethelala ukona kwethu ngokuba singamakholwa okuqala”
- Futhi sembula kuMose ukuthi akahambe ebusuku kanye nezinceku zami ngempela nina nizolandelwa
- Ngakho-ke uFaro wathumela izigijimi emadolobheni
- Ngempela laba bayiqembu elincane
- Futhi ngempela bona bayasithukuthelisa
- Futhi ngempela thina saqaphelisa wonke umphakathi
- Ngakho-ke sabakhipha ezivandeni nasemithonjeni
- Nasemicebweni nakuzona zonke izinhlobo zezindawo ezihloniphekile
- Kanjalo sakunikeza lokho njengefa kubantwana bakwa- Israyeli
- Ngakho-ke babalandela ngasekuphumeni kwelanga
- Kwathi lapho amaqembu amabili esebonana abalandeli baMose bathi, “ngempela sesificiwe”
- (UMose) wathi, “lutho! Ngempela iNkosi yami ikanye nami izongihola”
- Ngakho-ke sembula kuMose ukuthi, “shaya ulwande ngenduku yakho” lwaqhekeka phakathi ingxenye nengxenye yaphenduka yaba yigquma elikhulu elinjengentaba
- Futhi sabasondeza abanye lapho
- Futhi samsindisa uMose kanye nababekanye naye bonke
- Sabe sesiyabaminzisa abanye
- Ngempela kulokho kunophawu futhi iningi labo alisibona abakholwayo
- Futhi ngempela iNkosi yakho yona iphakeme ngamandla inesihawu
- Futhi bafundele indaba ka-Abrahamu
- Khumbula ngenkathi ethi kuyise nakubantu bakhe, “nikhonzani na?”
- Bathi, “sikhonza izithombe, sizinikele kuzona.”
- (U-Abrahamu) wathi, “ngakube ziyanizwa yini uma nizibiza na?”
- Noma ziwusizo kunina noma zinobungozi na
- Bathi, “Qhabo! Safica obaba bethu benzenjalo (bezikhonza izithixo).”
- U-Abrahamu wathi, “Ngakube nikubonile yini lokho nina enanikukhonza”
- Nina kanye naboyihlo basendulo na
- Ngakho-ke ngempela bona bayizitha kumina ngaphandle kweNkosi yemihlaba
- Okuyiyona eyangidalayo, yona iyangihola
- Futhi iyona engipha ukudla nengiphuzisayo
- Futhi uma ngigula yona iyangelapha
- Futhi iyona eyokwenza ukuthi ngife bese ingipha ukuphila
- Futhi iyona engethemba ukuthi iyongithethelela amaphutha ami ngosuku lwenkokhelo
- Nkosi yami ngiphe ukwehlulela (ukuhola okuyiqiniso) futhi ungihlanganise nabalungileyo
- Futhi ngiphe udumo ezizukulwaneni ezilandelayo
- Futhi ngenze ngibe ngomunye wezindlalifa zesivande senjabulo
- Futhi thethelela ubaba ngempela yena ungomunye wabadukileyo
- Futhi ungangiphathi kabi ngosuku lapho beyobe bevuswa
- Ngosuku lapho umnotho nezingane kungeke kusize ngalutho
- Ngaphandle kwalowo oyoza kuMvelinqangi nenhliziyo emsulwa
- Futhi izulu liyosondezelwa abesaba uMvelinqangi
- Futhi isihogo siyovezelwa obala labo abaphambukileyo
- Futhi kuyothiwa kubona, “kuphi lokho enanikukhonza na?”
- Esikhundleni sikaMvelinqangi na? Ngakube kuyanisiza noma kuyazisiza na
- Ngakho-ke bayophonswa kusona (isihogo) bona kanye nabaphambukileyo
- Kanye namabutho kasathane wonke
- Lapho phakathi bona bayoxabana bathi
- Sifunga ngoMvelinqangi! Ngempela sasisekudukeni okucacile
- Ngenkathi sinilinganisa neNkosi yemihlaba
- Futhi akekho owasidukisa ngaphandle kwezoni
- Ngakho-ke asinaye ongomunye wabancengeli
- Noma umngane omnene
- Ngakho-ke ukube besingaphindela (emhlabeni) besizokuba ngabanye babakholwayo
- Ngempela kulokho kunophawu futhi iningi labo alikholwa
- Futhi ngempela iNkosi yakho yona iphakeme ngamandla inesihawu
- Abantu baNowa baziphika izithunywa
- Khumbula ngenkathi umfowabo uNowa ethi kubona, “animesabi yini na uMvelinqangi?”
- Ngempela mina ngiyisithunywa esethembekile kunina
- Ngakho-ke mesabeni uMvelinqangi futhi ningihloniphe
- Futhi angiwuceli kunina umvuzo ngako, umvuzo wami angiwutholi (komunye umuntu) ngaphandle kokuwucela eNkosini yemihlaba
- Ngakho-ke yesabani uMvelinqangi futhi ningihloniphe
- Bathi, “singakholelwa yini kuwena kulapho ulandelwa ngabantu abasezingeni eliphansi kakhulu na?”
- Wathi. “Futhi yiluphi ulwazi enginalo ngalokho ababekwenza na?”
- Ukwahlulelwa kwabo kuseNkosini yami ukube nje benazi
- Futhi angeke ngiwagxoshe amakholwa
- Mina angiyilutho ngaphandle kokuba ngumxwayisi ocacile
- Bathi, “uma ungaphezi Oh Nowa! Ngempela uzokuba ngomunye walabo abakhandwa ngamatshe”
- (UNowa) wathi, “Nkosi yami ngempela abantu bami bangiphika.”
- Ngakho-ke yehlulela phakathi kwami nabo futhi ungisindise kanye nanoma ngabe ngobani abakanye nami abangamakholwa
- Ngakho-ke samsindisa kanye nalabo abakanye naye emkhunjini othweleyo
- Sabe sesibaminzisa abanye emva kwalokho
- Ngempela kulokho kunophawu futhi iningi labo lalingesiwona amakholwa
- Futhi ngempela iNkosi yakho yona iphakeme ngamandla inesihawu
- Abantu base A’d baziphika izithunywa
- Khumbula ngenkathi umfowabo uHud ethi kubona “animesabi yini na uMvelinqangi?”
- Ngempela mina ngiyisithunywa esethembekile kunina
- Ngakho-ke yesabani uMvelinqangi futhi ningihloniphile
- Futhi angiwufuni umvuzo kunina ngako, umvuzo wami angiwutholi komunye umuntu ngaphandle kokuwuthola eNkosini yemihlaba
- Ngakube nenza uphawu phezu kwazo zonke izindawo eziphakeme? Niyazithokozisa
- Futhi nizithathele izindlu ezinkulu ezidephile ezinohlonze ukuze nihlale kuzona ingunaphakade
- Futhi uma nishaya, nishaya ngobudlova
- Ngakho-ke yesabani uMvelinqangi futhi ningihloniphe
- Futhi mesabeni lowo owanilekelela ngalokho enikwaziyo
- Wanilekelela ngezinkomo nangezingane
- Nangezivande nangemithombo
- Ngempela mina ngiyanesabela isijeziso sosuku olukhulu
- Bathi, “kuyefana kuthina noma uyashumayela noma awusiyena omunye wabashumayelayo”
- Lokhu akuyilutho ngaphandle kokuba kube yinkolo yasendulo
- Futhi thina angeke sijeziswe
- Ngakho-ke bamphika sabe sesibabhubhisa, ngempela kulokho kunophawu futhi iningi labo lalingesiwona amakholwa
- Futhi ngempela iNkosi yakho yona iphakeme ngamandla inesihawu
- Abantu baThamud baziphika izithunywa
- Khumbula ngenkathi umfowabo uSwalih ethi kubona “animesabi yini na uMvelinqangi.”
- Ngempela mina ngiyisithunywa esethembekile kunina
- Ngakho-ke yesabani uMvelinqangi futhi ningihloniphe
- Futhi angiwufuni kunina umvuzo ngako, umvuzo wami awukho komunye umuntu ngaphandle kokuba useNkosini yemihlaba
- Ngakube nizoyekwa niphephile kulokhu enikukona lapha
- Ezivandeni nasemithonjeni
- Nasemasimini nasezihlahleni zesundu isixha sazo sithambile
- Futhi nimba izintaba ngobiciko ukuze nakhe izindlu
- Ngakho-ke mesabeni uMvelinqangi futhi ningihloniphe
- Futhi ningayihloniphi impoqo yezaphulamthetho
- Labo abenza ukona ezweni, abangalungisi
- Bathi, “kuphela wena ungomunye wabalunjiwe”
- Awuyilutho ngaphandle kokuba ngumuntu onjengathi ngakho-ke makunjalo veza uphawu uma kungukuthi wena ungomunye wabaqinisile
- Wathi, “leli yikameli lensikazi linelungelo lokuphuza, nani ninelungelo lokuphuza ngosuku olwaziwayo”
- Futhi ningalithinti ngobubi hleze nithathwe yisijeziso sosuku olukhulu
- Kepha balibulala (ikameli) base bephenduka abazisolayo
- Ngakho-ke bathathwa yisijeziso, ngempela kulokho kunesifundo futhi iningi labo lalingeyibona abakholwayo
- Futhi ngempela iNkosi yakho yona iphakeme ngamandla inesihawu
- Abantu baLothi baziphika izithunywa
- Khumbula ngenkathi umfowabo uLothi ethi kubona “animesabi yini na uMvelinqangi?”
- Ngempela mina ngiyisithunywa esethembekile kunina
- Ngakho-ke mesabeni uMvelinqangi futhi ningihloniphe
- Futhi angiwufuni kunina umvuzo ngako, umvuzo wami awukho komunye umuntu ngaphandle kokuthi useNkosini yemihlaba
- Ngakube phakathi kwezidalwa (nikhetha) ukuya kwabesilisa na
- Futhi niyeka labo iNkosi yenu eyanidalela bona ukuba babe ngamakhosikazi enu, Qhabo! Nina ningabantu abephula umthetho
- Bathi, “Oh Lothi! uma ungaphezi ngempela uzokuba ngomunye wabagxoshiwe”
- Wathi, “Ngempela mina lesisenzo senu angisithandi”
- Nkosi yami ngisindise kanye nomndeni wami kulokhu abakwenzayo
- Ngakho-ke samsindisa kanye nomndeni wakhe wonke
- Ngaphandle konkosikazi omdala phakathi kwalabo ababesalele ngemumva
- Sabe sesibabhubhisa abanye
- Futhi sayinethisa imvula phezu kwabo, imvula eyayiyimbi kulabo ababexwayisiwe
- Ngempelakulokhukunesifundofuthiiningilabolalingesiwona amakholwa
- Futhi ngempela iNkosi yakho yona iphakeme ngamandla inesihawu
- Izihlali zase-Aykah zaziziphika izithunywa
- Khumbula ngenkathi uShuaib ethi kuzona “animesabi yini na uMvelinqangi?”
- Ngempela mina ngiyisithunywa esethembekile kunina
- Ngakho-ke mesabeni uMvelinqangi futhi ningihloniphe
- Futhi angiwufuni kunina umvuzo ngako, umvuzo wami angiwutholi komunye umuntu ngaphandle kokuwuthola eNkosini yemihlaba
- Nikezani isilinganiso esigcwele futhi ningabi ngabanye balabo abayimbangela yokulahleka
- Futhi linganisani ngesikalo esiyiqiniso nesiqondile
- Futhi ningayidli impahla yabantu ngamacebo ngokuyehlisa futhi ningenzi ukona emhlabeni
- Futhi mesabeni lowo owanidala kanye nezizukulwane zasendulo
- Bathi, “kuphela wena ungomunye walabo abalunjiwe”
- Futhi wena awuyilutho ngaphandle kokuba ngumuntu ofananathi futhi sicabanga ukuthi ungomunye wabaqamba amanga
- Ngakho-ke makunjalo yehlisela phezu kwethu ingxenye yezulu uma kungukuthi ungomunye wabaqinisileyo
- Wathi, “iNkosi yami eyazi kangcono ngaloko enikwenzayo”
- Kepha bamphika, ngakho-ke yisijeziso sosuku lwethunzi, ngempela leso kwakuyisijeziso sosuku olukhulu
- Ngempela kulokho kunesifundo futhi iningi labo lalingeyiwona amakholwa
- Futhi ngempela iNkosi yakho yona iphakeme ngamandla inesihawu
- Futhi ngempela lesi yisambulo seNkosi yemihlaba
- Esehliselwe phansi ngumoya ongcwele (uGabriyeli) owethembekile
- Enhliziyweni yakho ukuze ube ngomunye wabaxwayisi
- Ngolimi lwesi-Arabhu olucacile
- Futhi ngempela yona (iQur’an) kwakubikezelwe ngayo emibhalweni yasemandulo
- Akusilona yini uphawu kubona ukuthi izifundiswa zabantwana bakwa-Israyeli ziyayazi (iQur’an) na
- Ngisho noma ngabe sasiyembule kwabanye bakwelinye izwe
- Bese eyabafundela babengeke babe ngabakholelwa kuyona
- Kanjalo sayenza ukuthi ingene igxile ezinhliziyweni zezoni
- Abakholelwa kuyona kuze kube yilapho bebona khona isijeziso esibuhlungu
- Ngakho-ke siyobafikela masinyane kulapho bona benganakile
- Bayothi, “ngakube thina sizonikwa yini na ithuba?”
- Ngakube basafuna yini ukusisheshisa isijeziso sethu na
- Ngakube ubonile yini ukuthi sabathokozisa iminyaka eminingi na
- Kwabe sekufika kubona lokho ababethenjiswe kona na
- Akuzange kubasize lokho ababezijabulisa ngako
- Futhi alikho idolobha esalibhubhisa elalingenabo abexwayisi balo
- Ngendlela eyisikhumbuzo, futhi asikaze senze okungenabulungiswa
- Futhi akuyibona osathane abayiletha phansi(iQuran)
- Futhi akubafanele (osathane ukwenza lokho) futhi abanawo amandla
- Ngempela bona baqhelelanisiwe nokuzwa
- Ngakho-ke ungambizi uMvelinqangi kanye nomunye uNkulunkulu ngokuba uzoba ngomunye wabajeziswayo
- Futhi zixwayise izihlobo zakho ezisondele kakhulu
- Futhi yiba mnene kunoma ngabe ngubani okulandelayo kwabakholwayo
- Kepha uma bengakuhloniphi ngakho-ke ithi, “ngempela mina ngimsulwa kulokho enikwenzayo”
- Futhi thembela kophakeme ngamandla onesihawu
- Lowo okubonayo uma usukuma emthandazweni
- Nokuhamba phakathi kwalabo abaguqile bezithobile
- Ngempela yena ungozwayo, owaziyo
- Ngakube nginitshelile yini ukuthi osathane behlela phezu kukabani na
- Behlela phezu kwabona bonke abaqamba amanga abanezono
- Bayamlalela (usathane) futhi iningi labo lingabaqambimanga
- Kanye nezimbongi, abaphambukayo bayazilandela
- Awuboni yini ukuthi bona bayazulazula kuzona zonke izigodi
- Nokuthi bona basho lokho abangakwenzi
- Ngaphandle kwalabo abakholwayo abenza izenzo ezilungileyo futhi abakhumbula uMvelinqangi kaningi futhi abavikelayo emva kokuba benziwe okungenabulungiswa futhi bayokwazi labo abenza okungenabo ubulungiswa ukuthi iyiphi indawo yokuphenduka abayophendukela kuyona