21.The Prophets

1. Kusondele kubantu ukwehlulelwa kwabo kulapho bona befulathela benganaki
2. Asifiki kubona isikhumbuzo esivela eNkosini yabo ngaphandle kokuba bayasilalela kulapho bona bedlala
3. Izinhliziyo zabo zibambezelekile (ekwenzeni ukona) futhi bayayifihla inkulumo yangasese labo abayizoni (babuzana bodwa bathi) “ngakube lona akayilutho ngaphandle kokuba ngumuntu onjengani na? Ngakho-ke ngakube nifikelwa ngumlingo kulapho nina nibhekile na
4. Ithi, “Inkosi yami iyayazi inkulumo esemazulwini nesemhlabeni futhi yona ingezwayo eyaziyo”
5. Kepha bathi, (iQur’an) ingamaphupho axubene ayimanga, Qha uyakhile, Qha uyimbongi ngakho-ke akasilethele uphawu olufana nalolo olwaluthunyelwe (kubaphrofethi) basendulo”
6. Alikho idolobha (abantu) esababhubhisa ababekholwa ngaphambilini kwabo, ngakube bona bayakholwa na
7. Futhi asizange simthumele (umuntu) ngaphambi kwakho ngaphandle kwamadoda esembula kuwona (umyalezo) ngakho-ke buzani abantu besikhumbuzo (abanolwazi) uma nina ningazi
8. Futhi asibanikezanga imizimba engakudli ukudla futhi asibenzanga ukuthi bahlale ingunaphakade
9. Sabe sesiqinisekisa kubona isethembiso ngakho-ke sabasindisa kanye nalabo esibathandayo, sababhubhisa abamoshayo
10. Ngempela sayehlisela phansi kunina incwadi kuyona kunesikhumbuzo senu, ngakube aninamqondo yini na
11. Futhi mangaki amadolobha esawabhubhisa ayenza okungalungile na? Futhi emva kwawo sabavusa abanye abantu
12. Ngakho-ke kwathi lapho sebesibona isijeziso sethu kwaba yilapho bona bebaleka kusona
13. Musani ukubaleka phindelani empilweni yenu enhle enothile enanikuyona nasezindlini zenu ukuze mhlawumbe nibuzwe
14. Bathi, “Oh! usizi kuthina ngempela thina sasiyizoni”
15. Lokho kukhala kwabo akupheli kuze kube yilapho sibenza ukuba babe njengensimu evuniweyo, efile
16. Futhi asiwadalanga ngokudlala amazulu nomhlaba kanye nalokho okuphakathi kwako kokubili
17. Ukube sasithandile ukuthatha isikhathi sokuzilibazisa ngempela sasizosithatha kuthina, uma sasizokwenza (lokho)
18. Qha, siyaliveza iqiniso ukushabalalisa amanga ngakho-ke liyawabhubhisa bheka! (amanga) ayanyamalala futhi okwenu lusizi ngenxa yalokho enikuchazayo
19. Futhi ungowakhe (ungokaMvelinqangi) noma ngabe ngubani osemazulwini nasemhlabeni futhi noma ngabe ngubani oseduzane naye (izingelosi) azizigabisi ngokumdumisa (zenza lokho eziphoqwayo ukuba zikwenze) futhi azidinwa
20. (Izingelosi) zimdumisa ubusuku nemini azidembeseli
21. Noma ngakube bazithathele onkulunkulu emhlabeni abakwaziyo ukuvusa abafile baphile na
22. Ukube kwakukhona abanye onkulunkulu kukona (emazulwini nasemhlabeni) ngaphandle kukaMvelinqangi ngempela kokubili (amazulu nomhlaba) ayezoba nenxushunxushu, ngakho-ke udumo malube kuMvelinqangi iNkosi yesihlalo sobukhosi (iphakeme) ngaphezu kwalokho abakuchazayo
23. Akabuzwa ngakwenzayo kepha bona bayobuzwa
24. Noma bazithathela abanye onkulunkulu esikhundleni sakhe na? Ithi “lethani ubufakazi benu, lesi yisikhumbuzo kulabo abakanye nami nesikhumbuzo kulabo ababengaphambilini kwami” kepha iningi labo alilazi iqiniso njengoba lifulathela
25. Futhi asizange sisithumele isithunywa ngaphambilini kwakho ngaphandle kokuthi sembule kusona ukuthi, “akekho onokukhonzwa ngeqiniso ngaphandle kwami ngakho-ke ngikhonzeni”
26. Futhi bathi, “Onomusa unendodana,” udumo malube kuye kepha bayizinceku ezihloniphekile
27. Abakhulumi ngaphambi kokuba akhulume futhi bona benza ngendlela yempoqo yakhe
28. Uyakwazi lokho okungaphambi okwabo kanye nalokho okungemumva kwabo futhi angeke bakwazi ukuzincengela ngaphandle kwalowo amvumelayo kulapho bona beqhaqhazela ngenxa yokumesaba
29. Futhi noma ngabe ngubani phakathi kwabo othi, “ngempela mina nguMvelinqangi esikhundleni sakhe ngempela lowo simnika umvuzo oyisihogo, sizinika kanjalo izoni umvuzo”
30. Ababoniyinilaboabangakholwangaukuthiamazulunomhlaba kwakuhlangene kuyinto eyodwa sabe sesiyakuhlukanisa futhi sazenza ngamanzi zonke izinto eziphilayo, ngakube abakholwa yini na
31. Futhi sazenza izintaba zasimama emhlabeni hleze uzamazame nabo futhi sazenza kuwona izindlela ezinkulu ezibanzi ukuze mhlawumbe bakwazi ukuholeleka
32. Futhi salenza izulu laba nguphahla olugadiwe kulapho bona bezifulathela izimpawu zalo
33. Futhi nguyena owadala ubusuku nemini nelanga nenyanga konke kuhamba emkhondweni wako
34. Futhi ngaphambilini kwakho asizange simbekele umuntu impilo eyingunaphakade ngakube uma ufa bazohlala ingunaphakade yini na
35. Yonke imiphefumulo iyozwa ukufa futhi siyanilinga ngobubi nangobuhle ngendlela yokulinga futhi niyobuyiselwa kuthina
36. Futhi uma bekubona labo abangakholwanga abenzi lutho ngawe ngaphandle kokukwenza inhlekisa bethi, “ngakube nguyena yini lona okhuluma okubi ngonkulunkulu benu na?” Kulapho bona bengakholelwa ekukhunjulweni konomusa
37. Umuntu wadalwa ngokushesha, ngizonikhombisa amavesi ami ngakho-ke ningangiceli ukuba ngisheshise
38. Futhi bathi, “siyofika nini lesisithembiso uma nina ningabaneqiniso na?”
39. Ukube bayazi labo abangakholwanga lapho bengeke bakwazi khona ukuwuphunga umlilo ebusweni babo nasemihlane yabo, futhi bona angeke basizwe
40. Kepha (ihora) liyofika kubo ngokuzuma liyobakhungatha ngakho-ke angeke babe nawo amandla okulivimba futhi bona angeke banikezwe ithuba
41. Futhi ngempela zenziwa inhlekisa izithunywa ngaphambilini kwakho, ngakho-ke kwaqiniseka kulabo ababenza inhlekisa phakathi kwabo lokho ababenza ngako inhlekisa
42. Ithi, “ngubani onivikelayo ngaphandle konomusa ebusuku nasemini na?” kepha bona bayaqhelelana nokukhunjulwa kweNkosi yabo
43. Noma banomunye unkulunkulu obanqabelayo esikhundleni sethu na? Abanamandla okuzisiza bona futhi bona angeke bavikelwe yithina
44. Kepha labantu sabanikeza injabulo kanye naboyise kwaze kwaba yilapho bandiselwa khona impilo, ngakube ababoni yini ukuthi siyeza emhlabeni siwunciphise emacaleni awo na? Ngakube bona banganqoba yini na
45. Ithi, “Kuphela ngiyanexwayisa ngesambulo futhi izithuli azikuzwa ukumenyezwa ngenkathi zexwayiswa”
46. Futhi uma bethintwa inhlupheko encane esijezisweni seNkosi yakho ngempela bangathi, “Oh usizi kuthina! ngempela thina sasiyizoni”
47. Futhi siyobeka isikalo sobulungiswa ngosuku lokuvuka kwabafileyo ngakho-ke awukho umphefumulo oyokwehlulelwa ngokungenabo ubulungiswa futhi uma kukhona okungangesisindo sohlamvu lwemastadi siyoza nakho futhi singabanele ekwahluleleni
48. Futhi ngempela samnikeza uMose no-Aroni isimo sokunquma (phakathi kokuhle nokubi) nokukhanya nesikhumbuzo salabo abagwema okubi
49. Labo abayesabayo iNkosi yabo engabonwayo futhi bona bayalisaba ihora
50. Futhi lesi isikhumbuzo esibusisiwe esasihlisela phansi ngakube nina niyasiphika yini na
51. Futhi khumbula ngempela samnikeza u-Abrahamu ukuholwa kwakhe ngaphambilini futhi sasazi kahle ngaye
52. Ngenkathi ethi kuyise nakubantu bakhe “iyini lemifanekiso enizinikele kuyona na
53. Bathi, “sabafumana obaba bethu beyikhonza (lemifanekiso)”
54. Wathi, “Ngempela nina uqobo lwenu nobaba benu nanisekudukeni okucacile”
55. Bathi, “Ngakube usilethele iqiniso noma wena ungomunye walabo abenza umdlalo na?”
56. (U-Abrahamu) wathi, “Qha! INkosi yenu yiNkosi yamazulu nomhlaba okuyiyona eyawadala futhi mina kulokho ngingomunye walabo abafakazayo”
57. Futhi (ngiyafunga) ngoMvelinqangi ngempela ngizozenzela isu izithixo zenu emva kokuba senifulathele senihambile”
58. Ngakho-ke (u-Abrahamu) waziphihlisa (izithixo) zaba yizicucu ngaphandle kwesikhulu sazo ukuze babuyele kusona (basibuze)
59. (Babuza) bathi, “ngubani owenze lokhu konkulunkulu bethu na? Ngempela yena ungomunye wabangalungile”
60. Bathi “simzwile umfanyana ongu-Abrahamu ekhuluma ngabo”
61. Bathi, “mletheni lapha ngaphambi kwamehlo abantu, ukuze bambone”
62. (Bambuza) bathi, “ngakube nguwena owenze lokhu konkulunkulu bethu Oh Abraham na!?”
63. (U-Abraham) wathi, “Qha okwenzile ilesi (sithixo) esikhulu sazo ngakho-ke zibuzeni (izithixo) uma zikwazi ukukhuluma”
64. Base bephendukela emiphefumulweni yabo base bethi, “ngempela nina uqobo lwenu niyizoni”
65. Base becabanga kabusha (bathi) “ngempela wazile ukuthi izithixo lezi azikhulumi”
66. Wathi “ngakube nikhonza okunye esikhundleni sikaMvelinqangi lokho okunganisizi ngalutho futhi okunganilimazi na?”
67. Okubi phezu kwenu kanye nakulokho enikhonzayo esikhundleni sikaMvelinqangi ngakube aninamqondo yini na
68. Bathi, “Mshiseni, nelekelele onkulunkulu benu uma nifuna ukwenza (okuthize)”
69. Sathi, “Oh Mlilo! banda, ungabi nobungozi ku-Abrahamu”
70. Futhi babemfunela icebo ngakho-ke sabenza abalahlekelwa ngokwedlulele
71. Futhi samsindisa kanye noLoti sabaletha ezweni esalibusisa emihlabeni
72. Futhi samupha u-Isak no-Jakobe njengesipho (indodana yendodana) futhingamunyewabosamenzawabangolungileyo
73. Futhi sabenza ukuthi babengabaholi abahola ngempoqo yethu futhi sazembula kubona izenzo ezinhle nokwenza umthandazo nokukhokha izakaah (ingxenye yemali ekhokhwa kwabampofu) futhi babeyizikhonzi zethu
74. Futhi uLothi samnikeza ukwehlulela nolwazi futhi samsindisa edolobheni (ebantwini) ababenza izenzo ezingcolile, ngempela bona babengabantu abangalungile abaphula umthetho
75. Futhi samngenisa emseni wethu, ngempela yena ungowabalungileyo
76. Kanye noNowa khumbula ngenkathi ememeza ngaphambilini ngakho-ke samphendula sabe sesimsindisa kanye nabantu bakhe ebunzimeni obukhulu
77. Futhi samlekelela ebantwini labo ababephika amavesi ethu ngempela bona babengabantu abangalungile ngakho-ke sabaminzisa bonke
78. Kanye noDavide noSolomoni ngenkathi bobabili bephika isehlulelo mayelana nensimu ngenkathi kwakudle kuyona izimvu zabantu futhi thina sasingofakazi esinqumweni sabo bobabili
79. Ngakho-ke samenza uSolomoni khumbula ukuthi asiqonde (lesisimo), futhi ngamunye wabo samnikeza ukwahlulela nolwazi, futhi sazenza izintaba, uDavide kanye nezinyoni ukuthi zidumise (uMvelinqangi) futhi thina sasingabenzi (balokho)
80. Futhi samfundisa ukwenziwa kwezembatho zensimbi zenu ukunivikela ezimpini zenu ngakho-ke ngakube nina ningababongayo yini na
81. Futhi uSolomoni samnika umoya onamandla ohelezayo ngempoqo yakhe ubheke ezweni okuyilona esalibusisa futhi siyizazi zazo zonke izinto
82. Futhi phakathi kosathane kunalabo ababemtshuzela futhi benza nomunye umsebenzi ngaphandle kwalowo futhi sasibaqaphele
83. NoJobe khumbula ngenkathi ememeza iNkosi yakhe (ethi), “ngempela ngithintwe inhlupheko futhi wena ungonomusa ukubedlula bonke abanomusa”
84. Ngakho-ke samphendula sakususa lokho okwakukuyena okuyinhlupheko futhi samnikeza umndeni wakhe kanye nabanjengabo kanye nabo umusa ovela kuthina nesikhumbuzo sezikhonzi (zikaMvelinqangi)
85. No-Ishmayeli no-Idris noDhul Kifl (Isaiah) bonke babengababekezelayo
86. Futhisabangenisaemseniwethu, ngempelabonababengabanye babalungileyo
87. Futhi uDhuh-Nun (uJonah) khumbula ngenkathi ehamba ethukuthele ngakho-ke wacabanga ukuthi angeke simjezise ngakho-ke wamemeza ebumnyameni wathi “akekho omunye uNkulunkulu ngaphandle kwakho, udumo malube kuwe! Ngempela mina bengingomunye wezoni”
88. Ngakho-ke samphendula futhi samsindisa enhluphekweni, futhi sibasindisa kanjalo abakholwayo
89. NoZakariya khumbula ngenkathi ememeza iNkosi yakhe (ethi) “Nkosi yami! Ungangishiyi ngedwa (ngingenayo ingane) kanti wena ungongcono kunazozonke izindlalifa”
90. Ngakho-ke sawuphendula (umthandazo wakhe) futhi samupha uJohane futhi samenza unkosikazi wakhe wabangolungileyo kuye, ngempela bona babencintisana ekwenzeni izenzo ezilungileyo futhi basibiza (bathandaza) ngothando nangokwesaba futhi babezithobile ngaphambi kwethu
91. Futhi lowo owesifazane (uMariya) aqaphela ubumsulwa bakhe, ngakho-ke siphefumulela kuyena ngomoya wethu futhi samenza yena kanye nendodana yakhe (uJesu) uphawu lwemihlaba
92. Ngempela lena yindlela yenu inkolo eyodwa futhi mina ngiyiNkosi yenu ngakho-ke ngikhonzeni
93. Futhi balehlukanisa phakathi kwabo udaba lwabo, bonke bayophindela kuthina
94. Ngakho-ke noma ngabe ngubani owenza izenzo (ezinhle) ezilungileyo futhi kulapho eyikholwa ngakho-ke angeke yenqatshwe imizamo yakhe futhi ngempela singabalobi bakhe
95. Futhi akuvumelekile edolobheni esalibhubhisa ukuthi bona bangaphindela
96. Kuze kube bayavulelwa uGog noMagog futhi bona bayoqhamuka kuwona wonke amacala behla
97. Futhi ngempela sesisondele isethembiso (usuku lokwahlulela), lapho amehlo alabo abangakholwanga ayobe egqolozele (bese bethi), “Oh! usizi kuthina sasingakunakile lokhu kepha sasiyizoni”
98. Ngempela nina kanye nalokho enikukhonzayo esikhundleni sikaMvelinqangi niyoba yizinkuni zokuvuthisa isihogo, nina niyongena kusona
99. Ukube laba babengonkulunkulu babengeke bangene kusona (isihogo) futhi bonke bayohlala khona ingunaphakade
100. Okwabo lapho phakathi kuyoba ukuquma futhi bona lapho phakathi bayobe bengezwa
101. Ngempela labo abathenjiswa ubuhle obuvela kuthina bayobekwa kude naso
102. Angeke bazwe ngisho nomncane umsindo waso, futhi bona bayohlala ingunaphakade kulokho imiphefumulo yabo ekufisayo
103. Alubaphathi kabi uvalo olukhulu kakhulu futhi ziyohlangana nabo izingelosi (ziyothi) “Lolu usuku lwenu okuyilona enanithenjiswe lona.”
104. Ngosuku lapho siyobe sigoqa amazulu kuyobe kunjengokugoqwa kwamaqeqeba emibhalo njengoba sayisungula indalo yokuqala siyoyiveza kabusha (lesi) isethembiso kuthina ngempela siyokwenza (lokhu)
105. Futhi ngempela sabhala kwiZabur emva kwesikhumbuzo ukuthi umhlaba uyodliwa izinceku zami ezilungileyo
106. Ngempela kulokhu kunomyalezo ebantwini abayizikhonzi
107. Futhi asizange sikuthumele ngaphandle kokuba ube ngumusa emihlabeni
108. Ithi, “kuphela kwembuliwe kumina ukuthi uNkulunkulu wenu nguNkulunkulu oyedwa, ngakube nina nizoba ngabazinikeleyo ngaphansi kwentando kaMvelinqangi na?”
109. Kephaumabefulathelaithi,“nginibizilenonkengokulinganayo angazi noma kuseduzane noma kukude lokho enethenjiswa kona.”
110. Ngempela yena uyayazi inkulumo esobala futhi uyakwazi konke lokho enikufihlayo
111. Futhi angazi ukuthi kuyisilingo kunina nenjabulo yesikhashana
112. Wathi, “Nkosi yami yehlulela ngeqiniso futhi iNkosi yethu ingenomusa ekuyiyona usizo lwayo olubhekana nalokho enikuchazayo”