19.Mary

1. Kaf Ha Ya ‘Ain Saad
2. Isikhumbuzo somusa weNkosi yakho encekwini yayo uZakariya
3. Khumbula ngenkathi ememeza iNkosi yakhe, ukumemeza kwasesithe
4. Wathi (uZakariya), “Nkosi yami ngempela amathambo ami abuthakathaka nekhanda lami elingwevu lishintshile (ngenxa yobudala) futhi angikaze ngingajabuli (ngingabusiseki) emthandazweni wami kuwena Nkosi yami.”
5. Futhi ngempela mina ngesaba izihlobo zami eziza ngemumva kwami futhi nonkosikazi wami uyinyumba ngakho-ke ngiphe indlalifa evela kuwena
6. Eyizokuba yindlalifa yami nendlalifa yomndeni (yezizukulwane) zikaJakobe futhi uyenze Nkosi yami ibe ngozoyithanda
7. Yathi (iNkosi) “Oh Zakariya! Ngempela thina sikutshela izindaba ezimnandi ngomfana ogama lakhe okuzoba nguJohane, asikaze silinikeze muntu ngaphambilini leligama”
8. Wathi (uZakariya) “Nkosi yami ngingaba kanjani nendodana kulapho unkosikazi wami eyinyumba futhi kulapho sengifinyelele ebangeni lokukhula elikhulu kangaka na?”
9. Yathi (ingelosi) kuzoba njalo, INkosi yakho ithi, “kulula kumina futhi ngempela ngakudala ngaphambilini ngenkathi wawungeyilutho”
10. Wathi, “Nkosi yami ngiphe uphawu” yathi “uphawu lwakho ngukuthi ungakhulumi nabantu ubusuku obuthathu kulapho uphila kahle”
11. Ngakho-ke waphuma waya kubantu bakhe ephuma endaweni yokwenza umthandazo ngakho-ke wabatshela ukuthi mabadumise (uMvelinqangi) ekuseni nakusihlwa
12. Yathi (iNkosi) “Oh Johane! Ibambisise incwadi, futhi samupha ubuhlakani ngenkathi esayingane.”
13. Nomusa ovela kuthina nokuhlanzwa futhi wayengoqotho
14. Futhi wayebalalela abazali bakhe, futhi wayengesiyena oqhoshileyo, ongahloniphi
15. Ukuthula makube kuye ngosuku azalwa ngalo nangosuku afa ngalo nangosuku ayovuselwa ngalo ekuphileni
16. Futhi mkhumbule encwadini uMariya ngenkathi ehamba emndenini wakhe eya endaweni engasempumalanga
17. (UMariya) wayesezisitheza kubona ngakho-ke sathumela kuyena umoya wethu (Gabriyeli) wase uqhamuka kuyena uyisimo somuntu ophelele
18. (UMariya) wathi, “ngempela mina ngifuna isiphephelo konomusa ukubalekela wena (suka kumina) uma umesaba uMvelinqangi”
19. (Ingelosi) yathi, “kuphela mina ngiyisithunywa seNkosi yakho ukuthi (ngimemezele) kwena (izindaba ezimnandi) ngesiphiwo sendodana emsulwa”
20. (UMariya) wathi, “kungenzeka kanjani ukuthi ngibe nendodana kulapho engekho umuntu ongithintile futhi angikaze ngingabi msulwa na?”
21. (Ingelosi) yathi, “kuzokuba njalo iNkosi yakho ithi kulula kumina futhi sizoyenza (indodana) ukuthi ibenguphawu kubantu nomusa ovela kuthina futhi kungudaba oselunqunyiwe”
22. Ngakho-ke (uMariya) wayeseyayikhulelwa (indodana enguJesu) wahamba nayo waya endaweni ekude
23. Ngakho-ke(uMariya) wayezwaizinhlunguzokusikwawayeseya esiqwini sesihlahla sesundu wayesethi “Oh Ngifisa sengathi ngifile ngaphambi kwalokhu futhi ngibe ngokhohliweyo”
24. Ingane yase immemeza unina ngaphansi kwakhe (yathi), “ungaphatheki kabi ngempela iNkosi yakho ibeke ngaphansi kwakho umfudlana”
25. Futhi nyakazisa isiqu sesihlahla sesundu size ngakuwena sizokwehlisela phezu kwakho amasundu avuthiwe asemasha
26. Ngakho-ke yidla uphuze upholise amehlo, ngakho-ke uma phakathi kwabantu ubona oyedwa uthi “ngempela mina ngenze isifungo sokuzila konomusa ukuthi angeke ngikhulume namuntu namhlanje.”
27. Wayeseya nayo eyiphethe (ingane enguJesu) kubantu bakhe, bathi “Oh Mariya! Ngempela ulethe into ethusayo”
28. Oh dadewabo ka-Aroni! uyihlo wayengesiyena umuntu ongalungile kanye nonyoko wayengesiyena umuntu ongenaso isimilo”
29. Ngakho-ke (uMariya) wayesemkhomba (uJesu) abantu baMariya bathi “singakhuluma kanjani nalowo oyingane osembelekweni na?”
30. (UJesu) wathi, “ngempela mina ngiyinceku kaMvelinqangi unginikeze incwadi wangenza ngaba ngumphrofethi”
31. Futhi wangenza ngaba ngobusisiwe noma ngabe ikuphi lapho ngikhona wangibophezelela emthandazweni kanye nokukhokha izakaah (ingxenye yemali ekhokhwayo kwabampofu) inqobo nje uma ngisaphila
32. Futhi ngibe ngomlalelayo umama wami futhi makangangenzi ukuthi ngibe ngoqhoshileyo ongabusisekile
33. Futhi ukuthula kube phezu kwami mzukwane ngizalwa namzukwane ngifa namzukwane ngiyovuswa ngibuyele empilweni.”
34. Lowo nguJesu indadona kaMariya, inkulumo eyiqiniso okuyiyona abangabazayo (noma abaphikisanayo) ngayo
35. Akusikhona okukaMvelinqangi ukuthi angaba nendodana, udumo malube kuye! Uma enquma udaba ngakho-ke kuphela uma ethi kulona “yenzeka” kuyenzeka
36. Futhi ngempela uMvelinqangi uyiNkosi yami futhi uyiNkosi yenu ngakho-ke mkhonzeni, lena yindlela eqondileyo
37. Kepha amaqembu phakathi kwabo ayephikisana, Oh usizi! Kulabo abangazange bakholelwe ekuhlanganeni ngosuku olukhulu
38. Bayozwa ngokucacile futhi babone ngosuku lapho beyobe bengaphambili kwethu kepha izoni ngalolosuku ziyobe zisekudukeni okusobala
39. Futhi baxwayise ngosuku losizi nokuzisola ngenkathi udaba luyobe lunqunywa kulapho bona benganakile futhi bona bengakholwa
40. Ngempela thina siyizindlalifa zomhlaba nabobonke abakuwona futhi ikuthini lapho beyophindiselwa khona
41. Futhi khumbula (umlando) ka-Abrahamu embhalweni, ngempela yena wayengumphrofethi oneqiniso
42. Khumbula ngenkathi ethi kuyise, “Oh baba wami! Kungani ukhonza lokho okungezwa futhi okungaboni futhi okungeyinzuzo yalutho kuwena na?”
43. Oh Baba wami! ngempela mina ngifikelwe ulwazi olungazange lufike kuwena ngakho-ke ngilandele ngizokuholela endleleni eqondileyo
44. Oh baba wami! ungamkhonzi usathane, ngempela usathane akamhloniphanga onomusa
45. Oh baba wami! Ngempela mina ngiyesaba ukuthi ungase uthintwe yisijeziso esivela konomusa (uMvelinqangi) bese uba ngumngane kasathane”
46. (Uyise) wathi, “ngakube wena awubathandi yini oNkulunkulu bami Oh Abrahamu na? Uma ungakuyeki (lokho) ngempela ngizokukhanda ngamatshe futhi qhelelana nami isikhathi eside”
47. (U-Abrahamu) wathi (kuyise) “ukuthula makube kuwe ngizokucelela intethelelo eNkosini yami ngempela yona ngasosonke isikhathi imnene kumina”
48. Futhi ngiyaqhelela nani nakulokho enikumemezayo esikhundleni sikaMvelinqangi futhi ngizomemeza iNkosi yami, nginethemba lokuthi angeke ngingabusiseki ekumemezeni kwami iNkosi yami
49. Ngakho-ke kwathi lapho (u-Abrahamu) eseqhelelana nabo kanye nalokho abakukhonzayo esikhundleni sikaMvelinqangi samupha u-Isaka noJakobe, ngamunye wabo samenza waba ngumphrofethi
50. Futhi sabapha emseni wethu futhi sabapha ukuduma la emhlabeni okusezingeni eliphezulu
51. Futhi khumbula (umlando) kaMose encwadini (embhalweni) ngempela yena wayemsulwa futhi wayeyisithunywa, engumphrofethi
52. Futhi sambizela ngasohlangothini lwesokudla lwentaba futhi samenza ukuthi asondele ukuze sikhulume (naye)
53. Futhi samnika ngomusa wethu umfowabo u-Aroni ukuthi abengumphrofethi
54. Futhi khumbula u-Ishamyeli embhalweni, ngempela yena wayengoneqiniso esethembisweni futhi wayeyisithunywa engumphrofethi
55. Futhi wayegcizelela abantu bakhe ngomthandazo nokuthi bakhokhe izakaah futhi eNkosini yakhe wayengothandiweyo
56. Futhi khumbula u-Idris embhalweni ngempela yena wayengoneqiniso engumphrofethi
57. Futhi samenyusela endaweni esezingeni eliphezulu
58. Labo bayilabo uMvelinqangi abeke umusa phezu kwabo abaphuma phakathi kwabaphrofethi enzalweni ka-Adamu kanye neyalabo esabathwala kanye noNowa (ngomkhumbi) nenzalo ka-Abrahamu no-Israyeli kanye neyalabo esabahola futhi sabakhetha okwakuthi uma befundelwa amavesi onomusa bawe phansi ngokuzithoba futhi bakhale
59. Ngakho-ke emva kwabo kwabe sekufika inzalo eyayingawunaki umthandazo futhi eyayilandela izifiso, iyohlangana nokubhubha esihogweni
60. Ngaphandle kwalabo abazisolayo futhi bakholwe benze nezenzo ezilungileyo ngakho-ke labo bayongena esivandeni futhi angeke benziwele ngisho nakancane okungeyisibona ubulungiswa
61. Izivande zaphakade okuyizona onomusa azethembisa izinceku zakhe kokungabonwayo ngempela isethembiso sakhe siyagcwaliseka ngasosonke isikhathi
62. Lapho phakathi (ezivandeni) angeke bayizwe inkulumo eyilize kuphela kuyoba ukuthula futhi okwabo kuyoba izipho zabo (izabelo zabo) ekuseni nakusihlwa
63. Lelo izulu okuyilona esiyokwenza ukuthi izinceku zethu zilithathe njengefa, lezo ezazenza izenzo ezilungileyo
64. Futhi uGabriyeli wathi asehleli phansi ngaphandle kwempoqo yeNkosi yakho kungokwayo konke lokho okungaphambili kwethu nokungemumva kwethu nokuphakathi kwalokho futhi ngasosonke isikhathi iNkosi yakho ayikhohlwa
65. INkosi yamazulu nomhlaba nakho konke okuphakathi kwako kokubili ngakho-ke yikhonze futhi ube nokubekezele ekuyikhonzeni, ngakube ukhona yini omaziyo ofana nayo na
66. Futhi umuntu uthi, “ngakube uma sengifile ngempela ngiyovuswa ngiphila yini na?”
67. Ngakube umuntu akakhumbuli yini ukuthi thina samdala ngaphambilini kulapho wayengeyilutho na
68. Ngakho-ke ngifunga ngeNkosi yakho ngempela siyobaqoqela ndawonye kanye nabosathane bese sibenza ukuthi babekhona bazungeleze isihogo bekhasa ngamadolo
69. Bese ngempela sikhipha kulelo naleloqembu bonke labo ababephikisana ngokwedlulele nonomusa (uMvelinqangi)
70. Bese ngempela thina sazi kabanzi ngalabo abafaneleke ngokwedlulele ukuba bashiswe kusona (isihogo)
71. Futhi akekho phakathi kwenu ongeke adlule kusona (isihogo), isidingo eNkosini yakho ekufanele ukuba sifezwe
72. Ngakho-ke siyosindisa labo ababemesaba uMvelinqangi bese sishiya izoni lapho phakathi zikhasa ngamadolo
73. Futhi uma befundelwa amavesi ethu acacile bathi labo abangakholwanga kulabo abakholwayo,“yiliphi lamaqembu amabili elingcono ngendawo yokuhlala nelinendawo yokuhlanganela enhle ngokwedlulele na?”
74. Futhi zingaki izizukulwane esazibhubhisa ngaphambilini kwabo, zona zazingcono ngokwedlulele ngengcebo nokubukeka
75. Ithi noma ngabe ubani osekudukeni ngakho-ke onomusa (uMvelinqangi) uzomelulela (intambo) kuze kube ilapho bebona khona lokho ababekuthenjisiwe isijeziso noma ihora ngakho-ke bayokwazi ukuthi ngubani lowo osendaweni embi nokuthi ngeliphi ibutho elibuthakathaka ngokwedlulele”
76. Futhi uMvelinqangi uyabandisa labo abaholiweyo ukuholwa futhi ihlala ikhona imisebenzi emihle ingcono eNkosini yakho mayelana nomvuzo futhi ingcono mayelana nembuyiselo
77. Ngakube umbonile yini lowo ongakholelwanga emavesini ethu na? Bese ethi, “ngempela ngizophiwa ingcebo nezingane”
78. Ngakube uyakwazi yini okungabonwayo noma uthathe isivumelwano konomusa na
79. Lutho! Siyokubhala phansi konke lokho akushoyo futhi siyomenyusela isijeziso
80. Futhi siyokudla ifa, konke lokho akushoyo futhi uyoza kuthina eyedwa
81. Futhi bathatha izithixo (ukuba bazikhonze) esikhundleni sikaMvelinqangi ukuze zibanike amandla
82. Lutho! (Izithixo) ziyokuphika ukubakhonza kwabo futhi bese ziba yizitha zabo
83. Awuboniyiniukuthisabathumelaosathanekwabangakholwayo ukuze babaphushele ekoneni
84. Ngakho-ke ungabajahi kuphela sibabalela isibalo (sesikhathi esisele)
85. Ngosuku esiyobaqoqela ngalo konomusa labo abenze okulungileyo njengezithunywa
86. Futhi izoni siyoziholela esihogweni zisesimweni sokunxanwa
87. Angeke bakwazi ukuzincengela ngaphandle kwalowo owathatha isivumelwano konomusa
88. Futhi bathi, “onomusa (uMvelinqangi) unendodana”
89. Ngempela nilethe into eshaqisayo
90. Amazulu angacishe adabuke ngenxa yalokho nomhlaba udabuke phakathi nezintaba zibhidlike zibe yizicucu
91. (Ngenxa) yokuthi bapha onomusa (uMvelinqangi) indodana (enguJesu)
92. Futhi akumfanele onomusa ukuthi angaba nendodana
93. Akukho ngisho noyedwa osemazulwini nasemhlabeni ngaphandle kokuthi eze konomusa njengenceku
94. Ngempela uyabazi bonke futhi ubabalile isibalo esiphelele
95. Futhi bonke bayoza kuyena ngosuku lokuvuka kwabafileyo bengabodwana
96. Ngempela labo abakholwayo futhi abenza izenzo ezilungileyo onomusa uyobabekela uthando
97. Ngakho-ke sikwenze kwalula ngolimi lwakho ukuthi ubatshele ngalo izindaba ezimnandi labo abenza okulungileyo, nokuthi ubaxwayise ngalo abantu abaqhelelene neqiniso
98. Futhi zingaki izizukulwane esazibhubhisa ngaphambilini kwabo na? Ungamthola yini ngisho noyedwa wabo noma uzwe ubuswebeswebe babo na