96.The Clot

Ké (al-Ƙur’ān) pẹ̀lú orúkọ Olúwa rẹ, Ẹni tí Ó dá ẹ̀dá
Ó ṣẹ̀dá ènìyàn láti ara ẹ̀jẹ̀ dídì
Ké e. Olúwa rẹ ni Alápọ̀n-ọ́nlé jùlọ
Ẹni tí Ó fi ìmọ̀ nípa gègé ìkọ̀wé mọ ènìyàn
Ó fi ìmọ̀ tí ènìyàn kò mọ̀ mọ̀ ọ́n
Ní ti òdodo, dájúdájú ènìyàn kúkú ń tayọ ẹnu-àlà
nítorí pé ó ríra rẹ̀ ní ọlọ́rọ̀
Dájúdájú ọ̀dọ̀ Olúwa rẹ ni àbọ̀ ẹ̀dá
Sọ fún mi nípa ẹni t’ó ń kọ̀
fún ẹrúsìn kan nígbà tí (ẹrúsìn náà) kírun
Sọ fún mi (nípa ẹ̀san rẹ̀) tí ó bá jẹ́ pé ó wà lórí ìmọ̀nà (’Islām)
tàbí pé ó pàṣẹ ìbẹ̀rù (Allāhu)
Sọ fún mi (nípa ìyà rẹ̀) tí ó bá jẹ́ pé ó pe òdodo nírọ́, tí ó sì kẹ̀yìn sí i
Ṣé kò mọ̀ pé dájúdájú Allāhu ń rí (òun ni)
Bẹ́ẹ̀ ni (Allāhu ń rí i.) Dájúdájú tí kò bá jáwọ́ (níbi dídí i lọ́wọ́), dájúdájú A máa fi àásó orí rẹ̀ wọ́ ọ (sínú Iná)
àásó orí òpùrọ́, ẹlẹ́ṣẹ̀
Nítorí náà, kí ó pe àwọn olùbájókòó rẹ̀
Àwa máa pe àwọn mọlāika ẹ̀ṣọ́ Iná
Rárá o, má ṣe tẹ̀lé tirẹ̀. Forí kanlẹ̀ (kí o kírun), kí o súnmọ́ (Allāhu)

Prev Next