90.The City

Èmi (Allāhu) búra pẹ̀lú ìlú yìí
Ìwọ sì ní ẹ̀tọ́ sí ìlú yìí (láti jagun nínú rẹ̀)
(Mo tún) búra pẹ̀lú òbí àti ohun t’ó bí
Dájúdájú A ṣẹ̀dá ènìyàn sínú ìṣòro
Ṣé ó ń lérò pé ẹnì kan kò ní agbára lórí òun ni
Ó (sì) ń wí pé: "Èmi ti bàná dúkìá ọ̀pọ̀lọ́pọ̀ (láti fi tako Ànábì s.a.w)
Ṣé ó ń lérò pé ẹnì kan kò rí òun ni
Ṣé A kò ṣe ojú méjì fún un
Àti ahọ́n pẹ̀lú ètè méjì (tí A ṣe fún un)
A sì fi ọ̀nà méjì mọ̀ ọ́n
Kò sì mú àkàbà ìgbàlà gùn
Kí sì ni ó mú ọ mọ ohun t’ó ń jẹ́ àkàbà ìgbàlà
(Òhun ni) títú ẹrú sílẹ̀ lóko ẹrú
Tàbí fífún ènìyàn ní oúnjẹ ní ọjọ́ ebi
(Ó lè jẹ́) ọmọ-òrukàn nínú ẹbí
tàbí mẹ́kùnnú, ẹni ilẹ̀ẹ́lẹ̀
Lẹ́yìn náà, kí ó wà nínú àwọn t’ó gbàgbọ́ ní òdodo, tí wọ́n ń gbara wọn níyànjú sùúrù ṣíṣe, tí wọ́n sì tún ń gbara wọn níyànjú àánú ṣíṣe
Àwọn wọ̀nyẹn ni èrò ọwọ́ ọ̀tún
Àwọn t’ó sì ṣàì gbàgbọ́ nínú àwọn āyah Wa, àwọn ni èrò ọwọ́ òsì
A máa ti àwọn ìlẹ̀kùn Iná pa mọ́ wọn lórí pátápátá

Prev Next