86.The Morning Star

(Allāhu) búra pẹ̀lú sánmọ̀ àti Tọ̄riƙ
Kí sì ni ó mú ọ mọ ohun t’ó ń jẹ́ Tọ̄riƙ
Ìràwọ̀ tí ìmọ́lẹ̀ rẹ̀ ń tàn ròrò (ní alẹ́ ni)
Kò sí ẹ̀mí kan àfi kí ẹ̀ṣọ́ kan wà fún un (nínú àwọn mọlāika)
Nítorí náà, kí ènìyàn wòye sí ohun tí A fi ṣẹ̀dá rẹ̀
Wọ́n ṣẹ̀dá rẹ̀ láti inú omi t’ó ń tú jáde kọ̀ọ́kọ̀ọ́
Ó ń jáde láti ààrin ìbàdí ọkùnrin àti àwọn ẹfọ́nhà igbá-àyà obìnrin
Dájúdájú Allāhu ni Alágbára lóri ìdápadà rẹ̀
ní ọjọ́ tí wọ́n máa ṣe àyẹ̀wò àwọn (iṣẹ́) àṣepamọ́
Nígbà náà, kò níí sí agbára tàbí alárànṣe kan fún un
Allāhu búra pẹ̀lú sánmọ̀ t’ó ń rọ òjò ní ọdọọdún
Ó tún búra pẹ̀lú ilẹ̀ t’ó ń sán kànkàn (fún híhùjáde èso)
Dájúdájú al-Ƙur’ān ni ọ̀rọ̀-ìpínyà (láààrin òdodo àti irọ́)
Kì í sì ṣe àwàdà
Dájúdájú wọ́n ń déte gan-an
Èmi náà sì ń déte gan-an
Nítorí náà, lọ́ra fún àwọn aláìgbàgbọ́. Lọ́ wọn lára sẹ́ fún ìgbà díẹ̀

Prev Next