85.The Constellations

1. Ka leholimo le linaleli tse jeroeng ke lona
2. Ka le Letsatsi le Ts’episitsoeng
3. Ka ea pakang, le se pakoang
4. Ho malimabe baepi ba mokoti
5. Mollo o beseletsoang
6. Bona! ba ne ba tjamme pel’a ona
7. Ke lipaki ho tseo ba neng ba li etsa khahlanong le ba-kholoang
8. Ba ba hlokofalitse kantle ho lebaka haese feela hore ba kholoa ho Allah, Ea Matla Oohle, U ts’oanetsoe ke Lithoriso tsohle
9. Eo `Muso oa maholimo e leng oa Hae le lefats`e! Allah ke Paki ea lintho tsohle
10. Haele ba hobosang ba-kholoang, banna le basali, ba sa retellehele ka boinyatso(ho Allah), ba tla fumana kahlolo ea Lihele: ba tla otloa ka mollo o tukang
11. Ho ba-kholoang, ba etsang ketso tse lokileng, e tlaba lirapa tseo linoka li phallang tlasa tsona. Seo ke pholoho e babatsehang
12. Ruri letsoho la Mong`a hau le matla
13. Ke Eena Ea hlolang ho tloha mathomong, A boele A phete
14. U ts’oarela ka mehla, U Tletse Lerato-le-Mohau
15. Mong`a Terone e Tlotlehang
16. Moetsi oa tsohle tseo A li rerang
17. Na pale ea mabotho e fihlile ho uena
18. A Faro le a Ba – Thamud
19. Empa mahana-tumelo a lula a latola
20. Empa Allah U ba kopetse ka morao
21. Che! Sena ke Qur`an e tlotlehang
22. E ngoliloeng letlapeng e babaletsoeng