26.The Poets

1. Twaa Siin Miim
2. Iyi ni imirongo y’igitabo gisobanutse (Qur’an)
3. Hari ubwo (yewe Muhamadi) wazicwa n’agahinda kubera ko batemeye (ubutumwa bwawe)
4. Tubishatse twabamanurira igitangaza giturutse mu kirere, maze amajosi yabo agahora akicishijeho bugufi (baba babishaka cyangwa batabishaka, ariko ntawe dushaka guhatira kwemera)
5. Kandi nta rwibutso rushya ruturutse kuri (Allah) Nyirimpuhwe rubageraho ngo babure kurwirengagiza
6. Rwose bahakanye (Qur’an), bityo inkuru z’ibyo bakerensaga zizabageraho (bidatinze)
7. Ese ntibitegereza uko isi twayimejejeho buri bwoko bwiza (bw’ibimera)
8. Mu by’ukuri,muri ibyo harimo ikimenyetso (kigaragaza ubushobozi bwa Allah), ariko abenshi muri bo ntibemera
9. Kandi mu by’ukuri, Nyagasani waweni we Munyembaraga zihebuje, Nyirimbabazi
10. (Unibuke) ubwo Nyagasani waweyahamagaraga Musa (akamubwira ati) "Jya ku bantu b’inkozi z’ibibi
11. Abantu ba Farawo, (ubabwire uti) "Ese ntibakwiye gutinya (ibihano bya Allah, bakareka ibibi barimo)
12. (Musa) aravuga ati "Nyagasani!Mu by’ukuri,ndatinya ko bazampinyura
13. Maze igituza cyanjye kigafungana (kubera umubabaro), kandi ururimi rwanjye ntirubanguka (mu gusobanura amagambo). Bityo oherereza Haruna (aze dufatanye)
14. Kandi (abantu ba Farawo) hari icyaha banshinja, nkaba ntinya ko bazanyica
15. (Allah) aravuga ati "Si ko bimeze (ntibazakwica)! Ngaho mwembi nimujyane ibitangaza byacu (kwa Farawo). Mu by’ukuri, tuzaba turi kumwe namwe, twumva (ibizavugwa byose)
16. Mwembi nimujye kwa Farawo mu mubwire muti "Mu by’ukuri, twe turi intumwa za Nyagasani w’ibiremwa byose
17. (Adutumye) ngo "Rekura bene Isiraheli tubajyane
18. (Farawo) aravuga ati "Ese ntitwakureze kuva ukiri umwana, ukabana natwe imyaka (myinshi) y’ubuzima bwawe
19. Maze ugakora igikorwa wakoze (cyo kwica umuntu), uri mubahakana (ineza twakugiriye)
20. (Musa) aravuga ati "Nagikozeubwo nari mu bayobye
21. Nuko ndabahunga kubera kubatinya. Ariko Nyagasani wanjye yampaye ubumenyi (bwo kumusobanukirwa ndetse n’ubuhanuzi), anangira umwe mu ntumwa (ze)
22. Ese ibyo (kundera) ni yo nezauncyurira kandi waragize bene Isiraheli abacakara
23. Farawo aravuga ati "Ese Nyagasaniw’ibiremwa byose ni nde
24. (Musa) aravuga ati "Ni Nyagasani w’ibirere n’isi ndetse n’ibiri hagati yabyo, niba mudashidikanya (ko ari we wabiremye ngaho nimumwemere)
25. (Farawo) abwira abamukikije ati "Aho ntimunyumvira (ibyo ari kuvuga)
26. (Musa) aravuga ati "(Uwo) ni Nyagasani wanyu akaba na Nyagasani w’abakurambere banyu
27. (Farawo) aravuga ati "Mu by’ukuri,(iyi) ntumwa yanyu yabatumweho ni umusazi
28. (Musa) aravuga ati "(Uwo) ni Nyagasani w’Uburasirazuba n’Uburengerazuba n’ibiri hagati yabyo, niba mufite ubwenge (nimumwemere)
29. (Farawo) aravuga ati "Nuramuka ugize indi mana (wemera) itari njye, rwose ndakugira umwe mu mbohe
30. (Musa) aravuga ati "Ese (wamfunga) n’iyo naba nkuzaniye ikintu kigaragara (cyerekana ukuri kwanjye)
31. (Farawo) aravuga ati "Ngaho kizane niba koko uri mu banyakuri
32. Nuko (Musa) anaga inkoni ye (hasi, ihinduka) inzoka igaragara
33. Anavana ukuboko kwe (mu kwaha), kuza kwererana kugaragarira abareba
34. (Farawo) abwira ibyegera bye ati "Mu by’ukuri, uyu ni umurozi w’umuhanga
35. Arashaka kubakuramu gihugu cyanyu akoresheje uburozi bwe. Murabivugaho iki
36. Baravuga bati "Ba umwihoreye (we) n’umuvandimwe we, maze wohereze abakoranya (abantu) mu mijyi
37. Bakuzanire buri murozi wese w’umuhanga
38. Nuko abarozi barakoranywa (bahabwa) igihe n’umunsi byagenwe91 (byo guhura na Musa)
39. Maze abantu barabwirwa bati "Ese namwe muritabira
40. Hari ubwo twakurikira abarozi (bo ku ruhande rwa Farawo) baramutse ari bo batsinze
41. Nuko abarozi baje,babwira Farawo bati "Ese hari igihembo tubona nituramuka dutsinze
42. (Farawo) aravuga ati "Yego! Kandi mu by’ukuri, muraba mu byegera (byanjye)
43. Musa arababwira ati "Nimunage ibyo mushaka kunaga (bigaragaza ukuri kwanyu)
44. Nuko banaga imigozi yabo n’inkoni zabo (bihinduka inzoka nto), baravuga bati "Ku bw’icyubahiro cya Farawo, rwose ni twe dutsinda
45. Maze Musa anaga inkoni ye (ihinduka inzoka nini), itangira kumiragura ibyo (abarozi) bari bamaze guhimba
46. Nuko abarozi bitura hasi bubamye
47. Bavuga bati "Twemeye Nyagasani w’ibiremwa byose
48. Nyagasani wa Musa na Haruna
49. (Farawo) aravuga ati "Mumwemeye mbere y’uko mbibahera uburenganzira. Mu by’ukuri, (Musa) ni umukuru wanyu wabigishije uburozi. Rwose muraza kumenya (icyo nza kubakorera)! Rwose ndaza kubaca amaboko n’amaguru byanyu imbusane, maze mbabambe mwese
50. Baravuga bati "Ntacyo bitwaye! Mu by’ukuri, tuzasubira kwa Nyagasani wacu
51. Mu by’ukuri, twiringiye ko (Nyagasani) azatubabarira ibyaha byacu kuko tubayeabambere mu kwemera (ubutumwa bwa Musa)
52. Kandi twahishuriye Musa (tugira tuti) "Jyana abagaragu banjye (Abayisiraheli) nijoro! Mu by’ukuri, muraza gukurikirwa (na Farawo n’ingabo ze)
53. Maze Farawo (yumvise ko bagiye), yohereza mu mijyi abakoranya (ingabo zo kubakumira)
54. (Farwo arababwira ati) mu by’ukuri, bariya (Bayisiraheli) ni agatsiko k’abantu bake
55. Kandi rwose baturakaje (kugenda tutabahaye uburenganzira)
56. Ndetse twese turi maso kandi twiteguye (guhangana nabo)
57. Nuko (Farawo n’abantu be) tubakura (mu gihugu kirimo) ubusitani n’imigezi
58. (Tubakura mu) mitungo ndetse no mu nyubako ziyubashye (bakurikira Abayisiraheli)
59. Uko (kubasohora mu byabo) ni ko twabizunguje bene Isiraheli
60. Maze (Farawo n’ingabo ze) babakurikira (mu gitondo) izuba rirashe
61. Nuko ubwo amatsinda yombi yarebanaga, abantu ba Musa baravuga bati "Mu by’ukuri, batugezeho
62. (Musa) aravuga ati "Si ko bimeze! Mu by’ukuri, ndi kumwe na Nyagasani wanjye, aranyobora
63. Nuko duhishurira Musa (tugira tuti) "Kubita inkoni yawe mu nyanja! (Akubise, inyanja) icikamo ibice (bibiri), buri gice kimera nk’umusozi munini cyane
64. Maze abandi (Farawo n’ingabo ze) tubegereza hafi (nabo bakurikira iyo nzira)
65. Nuko turokora Musa n’abari kumwe na we bose
66. Hanyuma abandi (Farawo n’ingabo ze) turabaroha
67. Mu by’ukuri,muri ibyo harimo ikimenyetso (kigaragaza ubushobozi bwa Allah), nyamara abenshi muri bo ntibemera
68. Kandi mu by’ukuri, Nyagasani wawe ni Umunyembaraga zihebuje,Nyirimbabazi
69. (Yewe Muhamadi) unabasomere inkuru ya Ibrahimu
70. Ubwo yabwiraga se n’abantu be ati "Ese musenga ibiki
71. Baravuga bati "Dusenga ibishusho kandi tuzahora tubisenga
72. (Ibrahimu) aravuga ati "Ese iyo mubisabye birabumva
73. Cyangwa hari (icyo) bibamarira cyangwa ngo bigire icyo bibatwara
74. Baravuga bati "(Oya)! Ahubwo twasanze abakurambere bacu babikora batyo
75. (Ibrahimu) aravuga ati "Ese ntimutekereza ku byo musenga
76. Mwebwe n’abakurambere banyu bo hambere
77. Mu by’ukuri, ibyo (musenga) ni abanzi banjye (sinshobora kubisenga), ahubwo (nsenga) Nyagasani w’ibiremwa byose
78. We wandemye akaba ari na we unyobora
79. Ni na we umpa icyo kurya n’icyo kunywa
80. N’iyo ndwaye ni we unkiza
81. Ni na we uzanyambura ubuzima, hanyuma akazabunsubiza (igihe cy’izuka)
82. Kandi ni we niringiye ko azambabarira ibyaha byanjye ku munsi w’imperuka
83. Nyagasani! Mpa kugira ubumenyi (bwo kugusobanukirwa ndetse n’ubuhanuzi), kandi uzampuze n’abagaragu bawe b’intungane
84. Kandi umpe kuzavugwa neza mu bazaza nyuma
85. Unanshyire mu bazazungura Ijuru ryuje inema
86. Unababarire data kuko mu by’ukuri, ari mu bayobye
87. Kandi ntuzankoze isoni ku munsi (ibiremwa byose) bizazurwa
88. Umunsi imitungo n’urubyaro bitazagira icyo bimarira (nyirabyo)
89. Usibye gusa uzagera kwa Allah afite umutima usukuye (uzira ibangikanyamana)
90. Maze ijuru rizegerezwe abatinya (Allah)
91. N’umuriro ugaragarizwe abayobye
92. Nuko babwirwe bati "Ibyo mwajyaga musenga biri he
93. Bitari Allah?Ese bishobora kubatabara cyangwa ngo byitabare ubwabyo
94. Maze bo ndetse n’ababayobeje bajugunywemo (mu muriro) bacuramye
95. Ndetse n’ingabo za Ibilisi (Shitani) zose
96. Nibawugeramo (abayobye n’ababayobeje) bazavuga batongana bati
97. Ku izina rya Allah! Rwose twari mu buyobe bugaragara (ubwo twabasengaga)
98. Ubwo twabareshyeshyaga na Nyagasani w’ibiremwa byose
99. Kandi nta bandi batuyobeje batariinkozi z’ibibi
100. None nta bavugizi dufite (batuvuganira tukava mu bihano)
101. Nta n’inshuti magara dufite (yatugirira impuhwe)
102. Iyaba twagiraga (amahirwe yo) gusubira (ku isi) maze ngo tube bamwe mu bemeramana
103. Mu by’ukuri,muri ibyo harimo ikimenyetso (kigaragaza ubushobozi bwa Allah), ariko abenshi muri bo ntibemera
104. Kandi mu by’ukuri, Nyagasani wawe ni we Munyembaraga zihebuje, Nyirimbabazi
105. Abantu ba Nuhubahakanye intumwa
106. Ubwo umuvandimwe wabo Nuhu yababwiraga ati"Ese ntimutinya (Allah)
107. Mu by’ukuri, njye ndi intumwa yanyu yizewe
108. Bityo, nimutinye Allahkandi munyumvire
109. Kandi ntabwo (kubagezaho ubutumwa) mbibasabira igihembo, kuko ibihembo byanjye biri kwa Nyagasani w’ibiremwabyose
110. Bityo, nimutinye Allahkandi munyumvire
111. Baravuga bati "Ese twakwemera dute kandi warayobotswe n’abantu basuzuguritse
112. (Nuhu) aravuga ati "Ntabwo nshinzwe kumenya ibyo bakora (icyo nshinzwe ni ukubagezaho ubutumwa gusa)
113. Ibarura ryabo rireba Nyagasani wanjye, iyaba mwari mubizi
114. Kandi njye sinshobora kwirukana abemera
115. Nta kindi ndi cyo, usibye kuba ndi umuburizi ugaragara
116. Baravuga bati "Yewe Nuhu! Nuramuka utarekeye aho (ibyo wigisha), rwose uzaba mubazaterwa amabuye (kugeza upfuye)
117. (Nuhu) aravuga ati "Nyagasani! Mu by’ukuri, abantu banjye barampakanye
118. Bityo ca iteka ridasubirwaho hagati yanjye na bo (ririmbura abahakanye), kandi undokorane n’abemera turi kumwe
119. Nuko tumurokorana n’abari kumwe na we mu nkuge yuzuye (ibiremwa bitandukanye yashyizemo)
120. Maze nyuma tworeka abasigaye (abahakanye)
121. Mu by’ukuri, muri ibyo harimo ikimenyetso (kigaragaza ubushobozi bwa Allah), nyamara abenshi muri bo ntibemera
122. Kandi mu by’ukuri, Nyagasani wawe ni we Munyembaraga zihebuje, Nyirimbabazi
123. Aba Adi (nabo) bahinyuye intumwa
124. Ubwo umuvandimwe wabo Hudu yababwiraga ati "Ese ntimwatinya (Allah)
125. Mu by’ukuri, njye ndi intumwa yanyu yizewe
126. Bityo, nimutinye Allahkandi munyumvire
127. Kandi ntabwo (kubagezaho ubutumwa) mbibasabira igihembo, kuko ibihembo byanjye biri kwa Nyagasani w’ibiremwabyose
128. Ese mwubaka (amazu maremare) ahirengeye hose mugamije kunnyega no gusuzugura (abagenzi bayanyuraho)
129. Mukanubaka ingoro z’imitamenwa nk’aho muzazibamo ubuziraherezo
130. N’iyo mugabye igitero (k’uwo ari we wese), mukigaba nta mpuhwe
131. Bityo, nimutinye Allahkandi munyumvire
132. Kandi mutinyeuwabahaye inema (zose) muzi
133. Yabahaye amatungo n’urubyaro
134. (Anabaha) imirima n’imigezi
135. (Hudu aravuga ati) "Mu by’ukuri, ndatinya ko (nimukomeza guhakana) mwazahanishwa ibihano byo ku munsi uhambaye
136. Baravuga bati "Watwigisha utatwigisha byose ni kimwe kuri twe (ntidushobora kukwemera)
137. Ibi (twemera) si ibindi, usibye ko ari imigenzo n’imyemerere y’abo hambere
138. Kandi ntituzahanwa (nk’uko ubivuga)
139. Nuko baramuhinyura, maze turabarimbura. Mu by’ukuri, muri ibyo harimoikimenyetso (kigaragaza ubushobozi bwa Allah), ariko abenshi muri bo ntibemera
140. Kandi mu by’ukuri, Nyagasani wawe ni we Munyembaraga zihebuje, Nyirimbabazi
141. Abantu bo mu bwoko bwa Thamudu (nabo) bahinyuye intumwa
142. Ubwo umuvandimwe wabo Swalehe yababwiraga ati "Ese ntimwatinya (Allah)
143. Mu by’ukuri, njye ndi intumwa yanyu yizewe
144. Bityo nimutinye Allah kandi munyumvire
145. Kandi ntabwo (kubagezaho ubutumwa) mbibasabira igihembo,kuko ibihembo byanjye biri kwa Nyagasani w’ibiremwa byose
146. Ese (mukeka ko) muzarekerwa mu byo murimo aha (ku isi, ngo mubeho) mutekanye (nta bihano nta no gupfa)
147. Mu mirima (myiza) ndetse n’imigezi (itemba)
148. No mu bihingwa (bitandukanye) n’imitende ifite imigondoro yoroshye
149. Kandi muhanga amazu mu misozi mu buryo bwa gihanga
150. Bityo nimutinye Allah kandi munyumvire
151. Kandi ntimukumvire amategeko y’inkozi z’ibibi
152. Babandi bakora ubwononnyi ku isi kandi ntibagire ibyo batunganya
153. Baravuga bati "Mu by’ukuri, wowe (Swalehe) uri umwe mu bantu barozwe
154. Wowe nta kindi uri cyo usibye ko uri umuntu nka twe. Ngaho zana ikimenyetso (kigaragaza ko uri intumwa) niba koko uri mu banyakuri
155. (Swalehe) aravuga ati "Dore iyi ngamiya y’ingore, izajya inywa amazi umunsi umwe na mwe munywe ku wundi munsi uzwi
156. Muramenye ntimuzayigirire nabi mutazavaho mukagerwaho n’ibihano by’umunsi uhambaye
157. Ariko barayishe maze basigara bicuza
158. Nuko bagerwaho n’ibihano. Mu by’ukuri, muri ibyo harimo ikimenyetso (kigaragaza ubushobozi bwa Allah), ariko abenshi muri bo ntibemera
159. Kandi mu by’ukuri, Nyagasani wawe ni we Munyembaraga zihebuje, Nyirimbabazi
160. Abantu ba Lutwi (Loti) bahinyuye intumwa (zabo)
161. Ubwo umuvandimwe wabo Lutwi yababwiraga ati "Ese ntimwatinya (Allah)
162. Mu by’ukuri, njye ndi intumwa yanyu yizewe
163. Bityo nimutinye Allah kandi munyumvire
164. Kandi ntabwo (kubagezaho ubutumwa) mbibasabira igihembo,kuko ibihembo byanjye biri kwa Nyagasani w’ibiremwa byose
165. Kuki mu bantu (muhitamo) kurongora ab’igitsinagabo (nkamwe)
166. Maze mukareka abo Nyagasani wanyu yabaremeye ngo bababere abagore? Ahubwo mwe muri abantu barengera (amategeko ya Allah)
167. Baravuga bati "Yewe Lutwi (Loti)! Nutarekera aho (ibyo utubwira), rwose uzaba umwe mu birukanwe (mu gihugu cyacu)
168. (Lutwi) aravuga ati "Mu by’ukuri, ibyo mukora ndabyanga cyane
169. (Lutwi aravuga ati) "Nyagasani! Ndokorana n’umuryango wanjye(uturinde) ibyo bakora
170. Nuko tumurokorana n’umuryango we wose
171. Usibye umukecuru (umugore we) wasigaye (akaba) mu barimbutse
172. Hanyuma turimbura abasigaye bose
173. Nuko tubanyagiza imvura (y’amabuye); iba imvura mbi ku baburiwe (ntibumve)
174. Mu by’ukuri, muri ibyo harimoikimenyetso (kigaragaza ubushobozi bwa Allah), ariko abenshi muri bo ntibemera
175. Kandi mu by’ukuri, Nyagasani wawe ni we Munyembaraga zihebuje, Nyirimbabazi
176. Abantu bari batuye Ayikati (nabo) bahinyuye intumwa
177. Ubwo Shuwayibu yababwiraga ati "Ese ntimwatinya (Allah)
178. Mu by’ukuri, njye ndi intumwa yanyu yizewe
179. Bityo nimutinye Allah kandi munyumvire
180. Kandi ntabwo (kubagezaho ubutumwa) mbibasabira igihembo,kuko ibihembo byanjye biri kwa Nyagasani w’ibiremwa byose
181. Mujye mwuzuza ibipimo (by’iminzani) kandi ntimugatere (abandi) igihombo
182. Kandi mujye mupimisha iminzani itunganye
183. Ntimugahuguze abantu mugabanyaku byabo, kandi ntimugakwize ubwangizi ku isi
184. Munatinye uwabaremye, mwe n’ababayeho mbere (yanyu)
185. Baravuga bati "Mu by’ukuri, wowe (Shuwayibu) uri umwe mu bantu barozwe
186. Wowe nta kindi uri cyo, usibye kuba uri umuntu nka twe. Kandi tunakeka ko uri umunyabinyoma
187. (Baravuga bati) "Ngaho tugusheho ikirere ibice bice niba koko uri umwe mu banyakuri
188. (Shuwayibu) aravuga ati "Nyagasani wanjye ni we uzi neza ibyo mukora
189. Nuko baramuhinyura, maze bagerwaho n’ibihano by’umunsi w’igicucu 92. Mu by’ukuri, byari ibihano by’umunsi uhambaye
190. Mu by’ukuri, muri ibyo harimoikimenyetso (kigaragaza ubushobozi bwa Allah), ariko abenshi muri bo ntibemera
191. Kandi mu by’ukuri, Nyagasani wawe ni we Munyembaraga zihebuje, Nyirimbabazi
192. Kandi mu by’ukuri, iyi (Qur’an) yahishuwe na Nyagasani w’ibiremwa (byose)
193. Nuko izanwa (ku isi) na Roho w’umwizerwa [Malayika Jibrilu (Gaburiheli]
194. (Ayishyitsa) ku mutima wawe (yewe Muhamadi) kugira ngo ube umwe mu baburira
195. (Yayizanye iri) mu rurimi rw’Icyarabu gisobanutse
196. Kandi mu by’ukuri, iyo (Qur’an) yavuzwe no mu bitabo (byahishuriwe intumwa) zo hambere
197. Ese ntibyababera ikimenyetso (kigaragaza ko Qur’an ari ukuri) kuba abamenyi b’Abayisiraheli barayimenye (nk’iy’ukuri, ndetse bamwe muri bo bakayoboka Isilamu)
198. N’iyo (Qur’an) tuza kuyihishurira umwe mu batari Abarabu
199. Maze akayibasomera, ntibari kuyemera
200. Uko ni ko dushyira mu mitima y’inkozi z’ibibi (guhakana Qur’an)
201. Ntibazigera bayemera kugeza igihe bazabonera ibihano bibabaza
202. Bikabageraho bibatunguye, batabizi
203. Maze bakavuga bati "Ese ntitwahabwa umwanya (kugira ngo twicuze)
204. Ubu koko ibihano byacu (nibyo) basaba kwihutishwa
205. Urabona (yewe Muhamadi), turamutse tubahaye kubaho igihe kirekire
206. Hanyuma bakagerwaho n’ibyo basezeranyijwe (ibihano)
207. Ibyo binezezagamo ntibyagira icyo bibamarira
208. Kandi nta mudugudu n’umwe twarimbuye utaragize ababurizi
209. (Twohereje ngo) bibutse, kandi ntitwigeze tuba abahemu (ngo tubarimbure tubarenganyije)
210. Kandi ntabwo amashitani ari yo yayihishuye (Qur’an)
211. Nta n’ubwoabikwiye, ndetse ntiyanabishobora
212. Mu by’ukuri, ayo (mashitani) yakumiriwe kumva (ibivugirwa mu ijuru)
213. Bityo, (uramenye) ntuzabangikanye Allahn’izindi mana, utazavaho ukaba umwe mu bazahanwa
214. Kandi (yewe Muhamadi) ujye uburira abantu ba hafi mu muryango wawe
215. Unicishe bugufi ku bemeramana bakuyobotse
216. Ariko nibaramuka bakwigometseho,uzavuge uti "Mu by’ukuri, njye nitandukanyije n’ibyomukora
217. Kandi ujye uniringira (Allah), Ushobora byose, Nyirimbabazi
218. We ukureba igihe uhagaze ukora amasengesho
219. Ndetse n’ibyo ukora (wunama, ununamuka) uri kumwe n’abasenga
220. Mu by’ukuri (Allah), ni Uwumva bihebuje, Umumenyi uhebuje
221. Ese (mwa bahakanyi mwe!) mbabwire abo amashitani amanukiraho
222. Amanukira buri munyabinyoma, w’umunyabyaha
223. Yumviriza (amagambo avugwa n’abamalayika mu ijuru akongeramo ibyayo), nyamara amenshi muri yo ni amanyabinyoma
224. (Abahakanyi bajyaga bavuga ko Muhamadi ari umusizi, maze Allah arabahinyuza agira ati) "Abasizi bakurikirwa n’abayobye
225. Ese ntubona ko (mu busizi bwabo) bavuga kuri buri ngingo bashimagiza cyangwa basebanya
226. Kandi ko mu by’ukuri, bavuga ibyo badakora
227. Usibye gusa babandi bemeye bakanakora ibikorwa byiza, bagasingiza Allah cyane, ndetse bakanirwanaho (bakoresheje ibisigo mu kunyomoza abasizi b’abanyabinyoma) nyuma yo kurenganywa (batukwa). Naho inkozi z’ibibi bidatinze zizamenya icyerekezo zizerekeramo