26.The Poets

1. Twa, Siiyn, Miiym, (Insiguro y’izi ndome hamwe nuwufise ubumenyi bwazo n’Imana yonyene gusa)
2. Aya n’amajambo ari mugitabu kimenyesha ibikenewe bijanye n’idini
3. Nkumbure wota umutima wawe murudubi kubera abantu bawe batabaye aba Isilamu
4. Iyo dushaka twari kubamanurira ibitangaro bivuye mw’ijuru hanyuma amazosi yabo akagamburuka nugukurikira bashaka canke badashaka mugabo ntidushaka kutegeka umuntu ngo abe umu Isilamu
5. Mugabo ntibashikirwa n’icibutso gishasha kivuye kuri nyene imigisha myinshi, mugabo yama ija kure yivyo
6. Rero mu vy’ukuri barahakanye kuri ivyo rero ubu vuba, bazoshikirwa n’inkuru z’ivyo bahora bajajurirako
7. Mbega ntibabonye ngaha kw’Isi ingene twanagishije ibiterwa biri kuriyo n’ubwoko butandukanye bwiza
8. Ntankeka muri ivyo harimwo ibimenyetso mugabo benshi muribo ntavyo bemera
9. Mu vy’ukuri Umuremyi wawe niwe nyene ububasha n’impuhwe zihagije
10. N’Umuremyi wawe mugihe yahamagara intumwa yiwe Mussa (iiii) amubwira ati:- nugende kuri barya bantu bahemukiye imitima yabo
11. Abantu bo kwa Fir’auni ubabwire uti:- mbega ntibatinya Imana
12. Nawe avuga ati:- Muremyi wanje mu vy’ukuri jewe ndatinya yuko abo bantu bompakana
13. N’igikiriza canje ntiki nyorohereza hamwe n’ururimi wanje ntirutomora amajambo neza, rero nushikirize ubu butumwa kwa mwene wanje Haruna (iii)
14. Nabo n’abantu bafise amakosa imbere yanje mugabo ntinya yuko bongandagura
15. Avuga ati:- Oya sivyo, ahubwo ni mugende n’ibi bitangaro vyanje, mu vy’ukuri twebwe turi kumwe namwe kandi turabumva
16. Rero nimugende kwa Fir’auni mumubwire muti:- ntankeka twebwe turi intumwa z’Umuremyi w’abantu bose
17. Turungitswe yuko wobatwarira turi kumwe twese hamwe na bene Israeri
18. Fir’auni aca avuga ati:- mbega wewe ntitwakurereye iwacu muugihe wari ukiri mutoyi hanyuma turabana twese kumyaka myinshi y’ubuzima bwawe bwose
19. Kandi waragize ico gikorwa cawe muvyo wagize vyose uca uba mu bantu badashima
20. Intumwa y’Imana Mussa (iii) ivuga iti:- naragize ivyo vyose ngaho mugihe nari mu bantu bazimiye
21. Rero nanje naciye ndabahunga mugihe natinya Umuremyi wanje ubu yarampaye amategeko kandi yarampezagiye ngombe ndi muntumwa z’Imana
22. Kandi uwo niwo mugisha wangiriyeko impuhwe wukubashira mubuja wa bene Israeri
23. Fir’auni yavuze ati:- ni nde uyo Muremyi w’abantu bose
24. Intumwa y’Imana Mussa ivuga iti :- n’Umuremyi w’Amajuru n’Isi hamwe nibirimwo nimwaba mwebwe muri mu bantu mwemera
25. Fir’aauni yabwiye abantu bamukikuje ati :- mbega mwebwe ntimwumva
26. Intumwa y’Imana Mussa (iii) aca avuga ati:- Umuremyi niwe muremyi w’abavyeyi banyu baho hambere
27. Fir’auni aca avuga ati:- ntankeka iyo ntumwa yanyu yarungitswe kuri mwebwe n’umusazi
28. Intumwa y’Imana Mussa (iii) ivuga iti:- Umuremyi w’ubuseruko n’uburengera zuba hamwe n’ibiri hagati yavyo nimwaba mutegera neza
29. Fir’auni aca avuga ati:- niwakurikira iyindi Mana atari jewe mu vy’ukuri nzokugira nk’abantu bari mwibohero
30. Intumwa y’Imana Mussa (iii) ivuga iti:- mbega naho nokuzanira ikintu kiri k’umugaragaro
31. Fir’auni nawe amwishura ati:- nukizane niwaba uri mu bantu bavugisha ukuri kwama
32. Intumwa y’Imana Mussa (iii) ica ijugunya inkoni yiwe, mukanya isase ica ihinduka inzoka nyakuri iri k’umugaragaro
33. Ica isokorora ukuboko kwayo mumpuzu mumwanya isase guca kurera derere kubantu bakubonye
34. Fir’auni avuga abwira abakuru bamukikuje ati :- mu vy’ukuri uyu n’umurozi afise ubumenyi buhanitse
35. Agomba abakure mugihugu canyu akoresheje uburozi bwiwe, none mwebwe mubivuga ko iki
36. Nabo bavuga bati:- nimumuhe umwanya hamwe na mwene wabo hanyuma mubarungike mugisagara caho bakoraniriza abantu bose
37. Bazokuzanira ibihangange vy’abarozi bose bafise ubumenyi buhanitse
38. Barakoranijwe abarozi bose, mumwanya n’umusi wagenewe urwo rubanza
39. Baca babwirwa abantu bati :- none mwese mwamaze gukorana
40. Nkumbure tuzobakurikira abo barozi niba aribo bazoronka intsinzi
41. Rero mugihe bashika abo barozi baciye babwira Fir’auni bati:- mbega turaronka impembo nitwa tahukana intsinzi
42. Fir’auni abishura ati:- egome kandi mwebwe muzoba muri bamwe mu bantu banje bizigirwa
43. Intumwa y’Imana Mussa (iii) ibabwira babarozi iti:- nimujugunye ivyo mushobora kujugunya
44. Bajugunya imigozi yabo hamwe n’inkoni zabo nukuvuga bati:- kububasha bwa Fir’auni ni twebwe bene intsinzi
45. Hanyuma intumwa y’Imana Mussa (iii) ica ijugunya inkoni yayo hasi yankoni ica iramiragura ivyo abo barozi badukanye
46. Aho niho babarozi bose barwa hasi barapfukama
47. Baca bavuga bati:- turemeye Umuremyi w’abantu bose
48. Umuremyi wa Mussa (iii) hamwe na Haruna (iii)
49. Fir’auni avuga ati:- mbega mwamwemeye uyo Mussa (iii) imbere yuko ndabaha uruhusha? Ntankeka niwe yabaye umukuru wanyu yabigishije uburozi, ubu rero muzotahura neza, ubu ngiye gucagagura amaboko n’amaguru yanyu ndabitandukanije hanyuma nce ndababamba kubiti mwese
50. Nabo baca bavuga bati:- ntaco bitwaye mu vy’ukuri twese tuzo subira ku Muremyi wacu
51. Ntankeka twebwe twizeye yuko Umuremyi wacu azotugirira ikigongwe kubera ibicumuro vyacu, kuko twebwe tubaye abambere mukwemera kuba aba Isilamu b’ukuri
52. Twara murungikiye intumwa y’Imana Mussa (iii) ubutumire yuko yogenda ku bantu banje mugihe c’ijoro ntankeka muzo kurikiranwa
53. Rero Fir’auni yaciye arungika ubutumwa bw’ugukoranya abantu bo mugisagara bose
54. Mu vy’ukuri abo Bayahudi n’akarwi k’abantu bakeyi cane
55. Nabo n’abantu badu shavuza cane
56. Natwe turi benshi mugabo turabatinya
57. Duca tubakura mu mirima yabo hamwe no mumusoko y’amazi
58. Nukuba kura mububiko bwabo n’ahantu habo heza cane
59. Nuko rero twahaye ibisigi kuri bene Israeri
60. Baca bakurikira k’ubuseruko bw’izuba
61. Mugihe zabonana ingabo zose uko ari zibiri, abantu b’intumwa y’Imana Mussa (iii) baciye bavuga bati:- twebwe duhava dufatwa
62. Intumwa y’Imana Mussa (iii) ica ivuga iti:- oya! mu vy’ukuri Umuremyi wanje ari kumwe nanje ntankeka azondongora
63. Mumwanya twara murungikiye intumwa y’Imana Mussa (iii) ubutumwa tumubwira duti:- kubita iyo nkoni yawe kuri ico kiyaga, naco gica cigaburwamwo ibiyaga bibiri no kumpande zose haca haba nk’imisozi mininiya
64. Duca tuzana ngaho abandi bantu
65. Duca turokora intumwa y’Imana Mussa (iii) hamwe nabo bari kumwe bose
66. Hanyuma twibiza mumazi abo bandi bantu
67. Mu vy’ukuri muri ibi vyose harimwo icirwa mugabo benshi muribo simubemera
68. Mu vy’ukuri Umuremyi wawe niwe nyene ububasha n’impuhwe zihagije
69. Kandi ubasomere inkuru y’intumwa y’Imana Ibrahimu (iii)
70. Mugihe yabwira Se wiwe hamwe n’abantu biwe ati:- mbega mwebwe musenga ibiki
71. Nabo bamwishura bati:- twebwe dusenga amasanamu yamisi yose
72. Nawe avuga ati:- mbega ayo masanamu musenga arabumva mugihe muyahamagaye
73. Canke harico abamarira canke abagirira inabi
74. Nabo bamwishura bati:- ahubwo twasanze badata bacu bagira uku nyene tugira
75. Nawe abishura ati:- mbega mwarababonye abo musenga
76. Mwebwe hamwe n’abavyeyi banyu babayeho imbere yanyu
77. Ntankeka abo n’abansi banje dukuyemwo Umuremyi w’ibiremwa vyose
78. Kuko ariyo yandemye kandi niyo yandongoye
79. Kandi niyo intamika nukunywesha
80. No mugihe nsinzikajwe n’ingwara niyo indonsa akoyokwe
81. Kandi niyo izonyica hanyuma ize insubize ubuzima
82. Kandi niyo nizeye yuko izongirira ikigongwe kubicumuro vyanje k’umusi w’impembo
83. Muremyi wanje numpe itegeko, kandi umpuze n’abagira ibikorwa vyiza
84. Kandi umpezagire mukuvugwa kuneza n’abantu bazoza munyuma yanje
85. Kandi umpezagire mubazosigirwa ibisigi vy’imirima irimwo imihezagiro myiza yo mw’ijuru
86. Kandi ugirire ikigongwe Data wanje ntankeka yari mubantu bazimiye
87. Kandi ntuntetereze k’umusi wukuzurwa kw’abantu bose
88. Umusi waho amatungo yabo ataco azobamarira canke ibibondo vyabo
89. Dukuyemwo uwuzoba yatumbereye Imana yiwe afise umutima mwiza
90. N’ijuru rizokwegerezwa ribe hafi ku bantu beranda
91. N’umuriro udahera witiriwe Jahannamu uzokwerekanwa icese kubagizi b’inabi
92. Bazobwirwa bati:- bari hehe abo mwahora musenga
93. Atari Imana mbega boshobora kubafasha canke kwifashisha bonyene
94. Rero bazotabwa mumuriro udahera hamwe n’abacumuzi bagenzi babo
95. Hamwe n’ingabo za Shetani zose
96. Bazovuga bamwe bahora babasenga mugihe bazoba bariko baratongana bari mumuriro udahera
97. Ndarahiye kw’izina ry’Imana, mu vy’ukuri twebwe twari mubuzimire buri k’umugaragaro
98. Mugihe twabagirira ineza n’Umuremyi w’ibiremwa vyose
99. Kandi ntibatuzimije atari babantu babi
100. Natwe ntidufise abadusabira
101. Canke abagenzi bwite dufise
102. Iyo tuba dufise aho tugarukira twari kuba aba Isilamu
103. Ntankeka muri ibi vyose harimwo itegero rininiya mugabo benshi muribo s’abemera
104. Mu vy’ukuri umuremyi wawe niwe nyene ububasha n’impuhwe zihagije
105. Abantu b’intumwa y’Imana Nuhu (iii) barahakanye intumwa z’Imana
106. Ubibutse mugihe yababwira uwo mugenzi wabo ariwe Nuhu (iii) ati:- mbega mwebwe ntimuzotinya
107. Mu vyukuri jewe kuri mwebwe nd’intumwa y’Imana yizigiwe
108. Rero nimutinye Imana yanyu y’ukuri kandi mungamburukire
109. Kandi sindabashakira ko impembo, mugabo impembo yanje iri k’umuremyi w’ibiremwa vyose
110. Rero nimutinye Imana yanyu y’ukuri kandi mungamburukire
111. Nabo bamwishura bati:- mbega tukwemere wewe mugihe abagowe aribo bagukurikira
112. Nawe avuga ati:- nomenya gute ibikorwa vyanyu mwahora mugira
113. Iharurwa ryabo ntarihari atari ku muremyi wanje gusa iyo mwobimenya
114. Nanje sinzo kwirukana abemeye Imana yabo y’ukuri
115. Jewe ntaco ndimwo, atari uko ndimubatuza bari k’umugaragaro
116. Nabo bavuga bati:- nutareka ewe Nuhu (iii) iryo tuza ryawe ntankeka uzoba uri mubazoterwa amabuye
117. Nawe avuga ati:- Muremyi wanje, ntankeka abantu banje banyihakanye
118. Rero nuducire urubanza ruri hagati yanje hamwe nabo, urwo rubanza rube rwiza, kandi undokore hamwe nabo ndikumwe nabo hamwe n’abemeye Imana yabo y’ukuri
119. Kubera ivyo twaciye tumurokora hamwe nabo bari kumwe bose bari mubwato bwari butwaye ibintu vyinshi
120. Hanyuma twibiza mumazi mubasigaye
121. Ntankeka muri ibi vyose harimwo ibitekerezo mugabo benshi muribo ntibari mubemera Imana yabo y’ukuri
122. Mu vy’ukuri Umuremyi wawe niwe nyene ububasha n’impuhwe zihagije
123. Na bene Aadi nabo barahakanye intumwa z’Imana
124. Mugihe mwene wabo Hudu (iii) yababwira ati:- mbega mwebwe ntimuzotinya Imana yanyu
125. Ntankeka jewe kuri mwebwe nd’intumwa y’Imana yizigiwe
126. Nimutinye Imana yanyu y’ukuri, kandi mungamburukire
127. Kandi ntaco nshaka kuri ibi vyose, mugabo impembo yanje iri ku muremyi w’abantu bose
128. Mbega mwiyubakira amazu ahari agatumba, uku n’ugufyinata muriko muragira
129. Mukiyubakira n’inzitiro nk’uko mubona yuko muzoramba mubuzima bwanyu bwose
130. No mugihe muteye abandi mubatera n’ubwishime
131. Nimutinye Imana yanyu y’ukuri kandi mungamburukire
132. Nimutinye uwabahaye ibi vyose muzi
133. Ko ariwe yabahaye ibikoko hamwe n’ibibondo vy’abahungu
134. Hamwe n’imirima n’amasoko y’amazi n’inzuzi
135. Mu vy’ukuri ndabafitiye ubwoba bw’ibihano vy’umusi w’imperuka
136. Nabo bamwishuye bati:- n’ibisanzwe kuri twebwe kuko udushikirije ubwo butumwa canke ntube mubabu dushikiriza
137. Ntivyari kuba ibi vyose atari uko ari ingeso z’abantu baho hambere
138. Natwe ntituzohanwa
139. Rero baramuhakana natwe duca tubibiza mumazi, ntankeka muri ibi vyose harimwo ibitekerezo mugabo benshi muribo ntibari mu bantu bemera Imana yabo y’ukuri
140. Mu vy’ukuri Umuremyi wawe niwe nyene ububasha hamwe n’impuhwe zihagije
141. Bene Thamuda nabo nyene barahakanye intumwa z’Imana
142. Mugihe mwene wabo yabwira intumwa y’Imana Swaleh (iii) ati:- mbega mwebwe ntimutinya Imana yanyu
143. Mu vy’ukuri jewe kuri mwebwe nd’intumwa y’Imana yizigiwe
144. Nimutinye Imana yanyu y’ukuri, nanje mungamburukire
145. Kandi nanje sindabasaba impembo kuri ivyo, mugabo impembo yanje iri ku muremyi w’ibiremwa vyose
146. Mbega muzosigwa mumahoro muri ibi bintu biri ngaha iwanyu
147. Mumirima hamwe no mumasoko y’amazi
148. N’ibiterwa vy’imitende bifise ivyamwa vyiza
149. Mukabaza n’imisozi nukuyigira mwo amazu yanyu y’ukwinezereza mwo gusa
150. Nimutinye Imana yanyu y’ukuri, nanje mungamburukire
151. Kandi ntimu gamburukire amategeko yabo bahakanyi b’Imana
152. Nabagira ubwononyi gusa kuri iy’Isi mugabo ntibayigire neza
153. Nabo bavuga bati:- mu vy’ukuri wewe uri mubantu barozwe
154. Wewe ntanakimwe urimwo ahubwo uri umuntu nkatwe, rero nutuzanire ibitangaro niwaba uvugisha ukuri kwama
155. Nawe abishura ati:- iyi nyana y’Ingamiya nibe ifise izamu ryukunywa amazi, namwe mube mufise izamu ryanyu ryukuvoma k’umusi wageneweko
156. Kandi ntimuyikoreko ngo muyigirire inabi hanyuma ntimuze mufatwe n’ibihano vy’umusi w’imperuka
157. Mugabo abo bantu barayikereye iyo Ngamiya nukuba mumaganya
158. Rero ibihano birabafata, ntankeka muri ibi vyose harimwo ibitekerezo, mugabo benshi muribo ntibavyemera
159. Mu vy’ukuri Umuremyi wawe niwe nyene ububasha n’impuhwe zihagije
160. Abantu b’intumwa y’Imana Lutwi (iii) nabone barahakanye intumwa z’Imana
161. Mugihe yababwira mwene wabo na Lutwi (iii) ati:- mbega mwebwe ntimutinya Imana yanyu
162. Mu vy’ukuri jewe kuri mwebwe nd’intumwa y’Imana yizigiwe
163. Rero ni mutinye Imana yanyu, nanje mu ngamburukire
164. Kandi jewe sindabasaba impembo kuri ibi vyose, mugabo impembo yanje iri kumana w’ibiremwa vyose
165. Mbega mwebwe murangura amabanga yabubatse n’abagabo nkamwe mubiremwa vy’imana
166. Mukareka abo Umuremyi wanyu yabaremeye mubagore banyu, mu vy’ukuri mwebwe muri mubantu mwarenze uburimbi
167. Nabo bamwishura bati:- nutareka kutubuza wewe Lutwi (iii) ntankeka wewe uzoba uri mubantu bazokwirukanwa ngaha muri iki gisagara turimwo
168. Nawe abishura ati:- mu vy’ukuri jewe ndimu bantu banka cane ivyo bikorwa vyanyu bigaritse vy’umwanda
169. Muremyi wanje nundokore n’aba bantu banje kuri ibi bintu bariko baragira
170. Natwe duca turamurokora n’abantu biwe bose
171. Dukuyemwo umutamakazi yari mubicara inyuma y’abandi bose
172. Hanyuma duca turabahonya b’abandi
173. Duca tubamanurira imvura y’isegenya mbi cane, nayo yari iyaba gabishijwe
174. Ntankeka ibi vyose harimwo ibitekerezo, mugabo benshi muribo ntibari mubantu bemera Imana yabo y’ukuri
175. Mu vy’ukuri Umuremyi wawe niwe nyene ububasha n’impuhwe zihagije
176. N’abantu bo mukibira nabone barahakanye intumwa z’Imana
177. Mugihe intumwa y’Imana Shuebu (iii) yababwira ati:- mbega mwebwe ntimutinya Imana yanyu
178. Mu vy’ukuri jewe kuri mwebwe nd’intumwa y’Imana yizigiwe
179. Nimutinye Imana yanyu kandi mu ngamburukire
180. Kandi sindabasaba impembo iyariyo yose, mugabo impembo yanje iri kumuremyi w’ibiremwa vyose
181. Nimwuzuze igipimo neza mugabo ntimube mubantu bagabanya kuri ivyo bipimo
182. Kandi mupime kuminzani y’ukuri
183. Kandi ntimuba gabanirize abantu kubintu vyabo, kandi ntimugendere kuri iy’Isi namwe muri mu bantu b’abononyi
184. Nimutinye uwabaremye hamwe n’ibiremwa vyabayeho vyose
185. Nabo bavuga bati:- mu vy’ukuri wewe uri mubantu barozwe
186. Na wewe ntiwari bwabeho, mugabo uri mubantu nkatwe, mu vy’ukuri twebwe tukubona nkuko uri mu bantu b’ababeshi
187. Rero nutumanurire ibimanyu vy’amajuru niwaba uri mubantu bavugisha ukuri
188. Nawe abishura ati:- Umuremyi wanje niwe afise ubumenyi buhagije bw’ivyo muriko muragira
189. Baramwihakanye baca bahura n’ibihano vy’umusi w’igitutu, ntankeka ivo vyari ibihano vy’umusi uhambaye
190. Mu vy’ukuri muri ibi vyose harimwo ibitekerezo mugabo benshi muribo ntibari mubantu bemera Imana yabo y’ukuri
191. Mu vy’ukuri Umuremyi wawe niwe nyene ububasha n’impuhwe zihagije
192. Ntankeka iyi Qur’aani ntagatifu nimanurwa ry’Umuremyi w’ibiremwa vyose
193. Yamanuye ibi vyose nukunagura intahe y’ukuri kandi yizigigwa
194. Hejuru y’umutima wawe kugira ngo ube mu bantu batuza
195. Mururimi rw’icarabu rutomoye neza ruri k’umugaragaro
196. N’ibi vyose biri mubitabu vy’aho hambere
197. Mbega nticari ikimenyetso kuribo yuko ibi vyose muncabwenge zabene Israeri babizi
198. Nk’iyo tumanurira kuri umwe muribo atari mubwoko bw’Abarabu
199. Agaca abasomera ayo majambo ntibari kuba mubemera bimwe vy’ukuri
200. Uku rero niko twinjiza mumishaha y’abantu babi
201. Nabo ntibazo kwemera kugeza aho bazobona ibihano bibabaza
202. Rero bazoshikirwa n’ivyo bihano giturumbuka nabo batabizi
203. Bazovuga bati:- mbega twebwe tuzoronswa akanya
204. Mbega bahimiriza kubihano vyacu
205. Ubibona gute nk’iyo twobanezereza nk’imyaka myinshi
206. Hanyuma ivyo bihano bibashikire nkuko bavyemerewe
207. Bizobamarira iki muvyo banezerejwe
208. Kandi ntitwahoneje igisagara icarico cose, n’uko hari abatuza abantu
209. N’icibutso mugabo ntitwari mubahemukiye imitima yacu
210. Nayo mashetani ntiyamanutse n’iyi Qur’aani ntagatifu
211. Kandi ntibiba kuribo kandi ntibabishoboye
212. Ntankeka barazitiwe mukwumva
213. Rero ntuze usabe iyindi Mana hamwe n’Imana y’ukuri kugira ngo ntuze ube mu bantu bazohanwa n’Imana
214. Utuze abantu bawe muri kumwe nabo n’abari hafi yawe
215. Kandi wunamike ibaba ryawe kuri urya agukurikira muri barya bakwemeye
216. Nibiyonkora wewe nuvuge uti:- jewe ndikure yivyo muriko muragira
217. Kandi wizere Umuremyi wawe gusa afise ububasha n’Impuhwe zihagije
218. Kuko ariwe akubona aho uhagaze hose
219. N’ihindagurika ryawe ryose hamwe n’abapfukama bose bashize imitwe yabo hasi
220. Mu vy’kuri Imana niyo yumva kandi niyo nyene ubumenyi buhagije
221. Mbega ndababwire mubo Amashetani yama amanukirako
222. Amanukira k’umuntu mukuru wumwadukizi w’ikintu afise ibicumuro bininiya cane
223. Babashikiriza amajambo bumvise, mugabo benshi muribo n’ababeshi gusa
224. N’abategura amajambo y’ubuhizi bakurikiranwa n’abantu bazimiye
225. Mbega ntubona yuko abo bantu bakikuza kumpande zose
226. Nabo bakavuga yuko aribo bavuga ivyo badashobora gushira mungiro
227. Dukuyemwo abemeye Imana yabo y’ukuri nukugira ibikorwa vyiza nuguhayagiza Imana kenshi na kenshi nukwihorana mugihe bahemukiwe ivyabo, n’ubu vuba mu bantu bahemukira abandi bazomenya ihindagurika ry’ingene bazo hindagurika