88.The Overwhelming

1. के तिमीलाई पनि त्यस घेरीहाल्ने कियामतको समाचार पुगेको छ
2. त्यस दिन धेरै अनुहारहरू अपमानित हुनेछन् ।
3. कठिन परिश्रममा परेका, थाकिएका हुनेछन् ।
4. उनी धपधपी बलेको आगोमा प्रवेश गर्नेछन् ।
5. उनीहरूलाई उम्लिराखेको स्रोतको तातो पानी पिलाइनेछ ।
6. उनीहरूको लागि काँडावाला रुख बाहेक अरु केही खानेकुरा हुनेछैन ।
7. जसले न मोटो गर्नेछ न भोक मेटाउनेछ ।
8. त्यसदिन कैयन् अनुहारहरू प्रफुल्लित र संतुष्ट हुनेछन् ।
9. आफ्नो प्रयासमा प्रसन्न ।
10. उच्च र शानदार स्वर्गमा हुनेछन् ।
11. जसमा कुनै व्यर्थकुरा सुन्ने छैनन् ।
12. त्यसमा झरनाहरू प्रवाहित हुनेछन् ।
13. र अग्ला–अग्ला पलंगहरू हुनेछन् ।
14. (प्यालाहरू राम्ररी सजाइएर राखिएका हुनेछन्) ।
15. र क्रमैसित मसनदहरू सजाइएका हुनेछन् ।
16. र मखमली ओच्छ्यानहरू ओछ्याइएका हुनेछन् ।
17. के उनीहरूले ऊँटतिर देख्दैनन् कि तिनीहरू कुन तरिकाले पैदा गरिएका छन् ।
18. र आकाशतिर के कस्तो उच्च गरिएकोछ
19. र पहाडतिर के कुन प्रकारले खडा गरिएकोछ
20. र धरतीतिर कि कसरी बिछाइएको छ
21. तसर्थ तपाईले उपदेश गर्ने गर्नुस् किनकि तपाई मात्र उपदेश गर्नेवाला हौ ।
22. तपाई उनीहरूमाथि संरक्षक होइनौ ।
23. हो, जो विमुख हुन्छ र कुफ्र गर्छ ।
24. त अल्लाहले त्यसलाई ठूलो सजाय दिने छ
25. निःसन्देह उनीहरूलाई हाम्रो पासमा फर्केर आउनुपर्नेछ ।
26. अनि हामीले नै उनको हिसाब लिनेछौं ।