Urakng-urakng nang kafir dari golongan ahli kitab man urakng-urakng musyrik nana’ akan ningalatn (agama ia iaka’koa) sampe atakng ka’ ia iaka’koa bukti nang nyat
(Yakoa) seko’ urakng Rasul dari Allah (Muhammad) nang macaam lamaratn- lamaratn nang suci (Al Qur’an)
Ka’ dalapm nya tadapat (isi) kitab, kitab nang locor (banar)
Man nana’ ke’ tapacah-balah urakng-urakng ahli kitab malaintatn setelah atakng ka’ ia iaka’koa bukti nang nyata
Padahal ia iaka’koa ingge di parentah nyambah Allah, mang putih turi naati’-Nya samata-mata karana (nyalantatn) Agama man uga agar ngarajaatn salat man nuneatn zakat, man nang ampaksa lah agama nang locor (banar)
Sungguh, urakng-urakng nang kafir dari golongan ahli kitab man urakng-urakng musyrik (nae masok) ka’ naraka jahanam, ia iaka’koa kakal ka’ dalapmnya salam- lamanya, ia iaka’koalah sajahat-jahatnya mahluk
Sungguh, urakng-urakng nang baiman man ngarajaatn kabakade’tn ia iaka’koalah sabaik-baik mahluk
Balastn ia iaka’koa ka’ isi Tuhan, ia iaka’koalah Saruga Adn nang ngalir ka’ abahnya sunge. sunge, ia iaka’koa kakal ka’ dalapmnya salama-lamanya, Allah rido tahadap ia iaka’koa, man ia iaka’koa bun rido ka’ ia nang ampakoa lah (balastn) bagi urakng nang gali’ka’ Tuhannya ayat