30.The Romans

  1. Alif lām m³m
  2. Bangsa Romawi udah dikalahatn
  3. Ka’ nagari nang samak, 632 man iaka’koa salaka’ nyakalah ia ka’ koa akan manangagi’
  4. Dalapm sangahe tahutn (agi’). 634Ka’ Allah lah urusan sanape’ man sasudah (iaka’koa manang ). Man ka’ ari (kamanangan bangsa Romawi koa barepoatn lah urakng-urakng nang baiman)
  5. Karana patolongan Allah, Ia nolong sae nang Ia kahandaki’, Ia Maha Gagah, man Maha Panyayang
  6. (Koalah) janji Allah, Allah nana’ akan nyalahi’ janji-Nya, tatapi kamanyakatn talino nana’ nau’an
  7. Iaka’koa nau’an nang lahir (nampak) dari kaidupatn dunia; sadangkan tahadap (kaidupatn) naherat iaka’koa lalai
  8. Man ngahe iaka’koa nana’ mikiratn tantang (kajadiatn) diri’ nya ka’ koa? Allah nana’ nyiptaatn langit man tanah ai’ atopun ahe nang ada ka’ antara kaduanya, malaintatn mang (tujuan) nang banar ka’ dalapm waktu nang ditantuatn. Man sabatolnya, manyak ka’ antara talino banar-banar ngingkari’ patamuan mang Tuhannya
  9. Man nana’ ke’ iaka’koa baampusatn ka’ dunia lalu nele’ lea mae ka’ udahatn urakng- urakng sanape’ iaka’koa (nang madah alok Rasul)? urakng-urakng ka’ koa labih kuat dari diri’nya ka’ koa man iaka’koa udah ngolah tanah ai’ sarata ngamakmuratn nya malabihi’ ahe nang udah iaka’koa makmu- ratn. Man udah atakng ka’ iaka’koa Rasul- rasul iaka’koa ngicang bukti-bukti nang jalas. Maka Allah sama sakali nana’balaku zalim ka’ iaka’koa, tatapi iaka’koa lah nang balaku zalim ka’ diri’ nyaka’koa babaro
  10. Ia ka’ koa, siksaatn nang labih buruk ialah ahir nto’ urakng-urakng nang ngarajaatn kajahatatn. Karana iaka’koa madah alok ayat-ayat Allah man iaka’koa salalu ngolo’- ngolo’nya
  11. Allah nang mulai’ majoati’ (makhluk), lalu ngulangi’nya agi’; laka’koa ka’Ia-lah kita’ agi’ dipulangkatn
  12. Man ka’ ari’ (katika) tajadi kiamat, urakng- urakng nang badosa (kaum musyrikin) tadiapm baputus asa
  13. Man nana’ mungkin ada pamare’ syafâ’ah (patolongan) ka’ iaka’koa dari bahala- bahala nyaka’koa, sadangkan iaka’koa ngingkari’ bahala-bahala nya koa
  14. Man ka’ ari (katika) tajadi kiamat, ka’ ari koa talino tapacah-pacah (dalapm kalompok)
  15. Maka adapun urakng-urakng nang ba iman man ngarajaatn kabaikatn maka iaka’koa ka’ dalapm taman (saruga) babarepoatn
  16. Man adapun urakng-urakng nang kapir man madah alok ayat-ayat Kami sarata (madah alok) uga’ patamuan ari aherat maka iaka’koa tatap barada ka’ dalapm siksa (naraka)
  17. Maka batasbilah ka’ Allah sa’at gumare’ari mang alapm ari (waktu subuh)
  18. Man sagala puji nto-Nya ka’ langit, ka’ tanah ai’, man ka’ malam ari man uga’ ka’ waktu zuhur (tangah ari)
  19. Ia ngaluaratn nang idup dari nang mati mang ngaluaratn nang mati dari nang idup mang ngidupatn tanah ai’ sasudah mati (karikng). Man saparatikoalah kao akan dikaluaratn (dari subur)
  20. Man ka’ antara tanda-tanda (kabasaran)-Nya ialah Ia nyiptaatn kita’ dari tanah, kamudian tiba-tiba kita’ (manjadi) talino nang bakambang biak
  21. Man ka’ antara tanda-tanda (kabasaran)-Nya ialah Ia nyiptaatn pasangan-pasangan nto’nyu dari janis nyu babaro, supaya kita’ candarung man marasa bahagia ka’ia, man Ia nyadiatn ka’ antara nyu rasa kasih man sayang. sungguh, ka’ nang lekoa, banar- banar tadapat tanda-tanda (kabasaran Allah) ka’ kaum nang bafikir
  22. Man ka’ antara tanda-tanda (kabasaran)-Nya ialah nyiptaatn langit man tanah ai’, pabeda’an bahasa nyu man warna kulit nyu. Sungguh, ka’ nang ampeatn koa banar-banar tadapat tanda-tanda ka’ urakng nang nau’an
  23. Man ka’ antara tanda-tanda kabasaran-Nya ialah tidur nyu ka’ waktu malam man siakng ari man usaha nyu ngago’ sabagian dari Karunia-Nya. Sungguh, ka’ nang lea nian koa banar-banar tadapat tanda-tanda ka’ kaum nang nangaratn
  24. Man ka’ antara tanda-tanda (kabasaran) Nya, Ia nele’atn selak ka’ kita’ nto’ (nimulatn) kagali’atn man arapatn, man Ia nuruntatn ai’ (ujatn) dari langit, lalu mang ai’ koa diidupatn –Nya tanah ai’ salaka’ mati (karikng). Sungguh, ka’ nang lekoa banar-banar tadapat tanda-tanda nto’ kaum nang ngarati
  25. Man ka’ antara tanda-tanda (kabasaran)Nya, ialah badirinya langit, man tanah ai’ mang kahandak-Nya. Kamudian kade’ Ia nyaru’kita’, sakali saru’ dari tanah ai’, sakatika koa kita’bakaluaratn (dari subur)
  26. Man ampu’Nya ahe nang ka’ langit man ka’ tanah ai’. Samuanya nggan ka’ Ia batundukatn
  27. Man Ia lah nang mulai’ Majoat, kamudian ngulangi’ nya agi’, nang koa labih mudah ka’–Nya. Ia ngampu’ sipat nang maha tingi ka’ langit man ka’ tanah ai’. Man Ia-lah Maha Gagah, Maha Bijaksana
  28. Ia mamuat parumpama’an nto’ kita’ dari diri’ kita’ babaro. Ahe ke’ (kao rela kade’) ada ka’ antara amba sahaya nang kita’ ngampu’i’, manjadi sakutu ka’ kita’ dalapm (ngampu’i’) rajaki nang udah Kami bare’atn ka’ kita’, sahingga kita’ manjadi satara (sajajar) man iaka’koa dalapm hal nian, lalu kita’ gali’ ka’ iaka’koa ampahe kita’ gali’ ka’sasama kita’. 637 Saparatikoalah Kami jalasatn ayat-ayat koa nto’kaum nang ngarati
  29. Tatapi urakng-urakng nang zalim, ngikuti’ kainginananya tampa ilmu pangatahuan; maka sae ke’ nang bisa mare’ patunjuk ka’ urakng nang udah disasatatn Allah. Man nana’ ada saurakng panolong pun ka’ iaka’koa
  30. Maka adapatn lah muha nyu nang lurus ka’ agama (Islam); (sasuai) Fitrah Allah disabapatn Ia udah nyiptaatn talino manurut (Fitrah) koa. 638 Nana’ada parubahan ka’ ciptaatn Allah. (koalah) Agama nang loeor. Tapi kamanyakatn talino nana’ nau’an
  31. mang kambalilah batobat ka’ Ia man bataqwalah ka’ Ia sarata karajatn lah salat, man amelah kita’ tamasok urakng-urakng nang masakutuatn Allah
  32. Ialah urakng-urakng nang mamacah-bala agama nyaka’koa, 639 man iaka’koa manj sangahe golongan. Satiap golongan mara laga’ mang ahe nang ada ka’ golongan nyaka’koa
  33. Man kade’ talino ditimpa’sagana bahaya, iaka’koa nyaru’ Tuhannya mang kambali (batobat) ka’ Ia, laka’ koa kade’ dah Ia (Allah) mare’atn sabebet rahmat-Nya. 640 ka’ iaka’koa, tiba-tiba sabagian iaka’koa masakutuatn Allah
  34. Biaratn iaka’koa ngingkari’ rahmat nang udah Kami bare’atn. man barepoatnlah la kita’ maka nae kita akan nau’an (akibat pabuatatn kita’)
  35. Ato paranah ke’ Kami nurutatn ka’ iaka’koa katarangan, nang nyalasatn (ngabanaratn) ahe nang (salalu) iaka’koa pasakutuatn mang Tuhan
  36. Man kade’ udah Kami bare’atn rahmat ka talino, tatap iaka’koa repo mang (rahmat) koa. Tatapi kade’ dah iaka’koa ditimpa’kajaraatn musibah (bahaya) kara kasalahatn nyaka’koa babaro, sakatika k iaka’koa ba putus asa
  37. Man nana’ ke iaka’koa nele’atn bahoa’ Allah nang ngalapangkatn rajaki ka’ sae nang Ia kahandaki’ man Ia (uga’) nang matasi’ (ka’sae nang Ia kahandaki’). Sungguh, ka’ nang saparatikoa banar-ban tadapat tanda-tanda (kabasaran Allah), ka’kaum nang ba iman
  38. Maka bare’atn lah hak nya ka’ kaluarga nang samak, uga’ ka’ urakng miskin, man urakng-urakng nang dalapm pajalanan. Koalah nang labih edo’ nto’ urakng-urak nang ngango’ karido’an Allah. Man iaka’koa lah urakng-urakng nang baruntukng
  39. Man saganatambahatn kalabihatn(riba’) nang kita’ bare’atn supaya kajukutatn har talino batambah, maka nana’ batambah dalapm panele’atn Allah. Man ahe nang kita’ bare’atn barupa zakat nang kita’ maksutatn nto’ namu karido’an Allah, maka koalah urakng-urakng nang malipat gandaatn (pahalanya)
  40. Allah nang nyiptaatn kita’, laka’ koa mare’ kita’ rajaki, lalu matiatn kita’, laka’ koa ngidupatn kita’ (agi’). Ada ke’ ka’ antara iaka’koa nang kita’ sakutuatn mang Allah koa nang bisa babuat sasuatu nang ampakoa ? Maha Cuci baraseh Ia man Maha Tingi dari ahe nang iaka’koa pasakutuatn
  41. Udah katele’atn karusakatn ka’ tanah man ka’ laut disababatn karana pabuatatn kokot talino; Allah ngingintatn supaya iaka’koa ngarasaatn sabagiatn dari (akibat) pabuatatn nyaka’koa, supaya iaka’koa bapulangan (ka’ maraga nang banar)
  42. kataatnlah (Muhammad) “baampusatnlah ka’ dunia lalu tele’lah lea mae ahirnya urakng-urakng nang de’e. Kamanyakatn dari iaka’koa ialah urakng-urakng nang masakutuatn (Allah)
  43. Karana koa lah, adapatn lah muha nyu ka’ agama nang locor (Islam) sanape’ atakng dari Allah nae ari (kiamat) nang nana’ bisa ditolak, ka’ ari koa iaka’koa tapisah-pisah
  44. Sae ma’an kapir maka ia babaro lah nang nanggung (akibat) kakapiratnnya koa; man sae ma’an nang ngarajaatn kabaikatn maka iaka’koa nyiapatn nto’ diri’ nyaka’koa babaro (tampat nang nyanangkatnya)
  45. Supaya Allah mare’ balasatn (pahala) ka’ urakng-urakng nang ba iman man ngarajaatn kabaikatn dari karunia-Nya. Sungguh, Ia nana’ nyukai’ urakng-urakng nang ingkar (kapir)
  46. Man ka’ antara tanda-tanda (kabasaran)Nya ialah bahoa’ Ia ngirimpatn angin sabage pangincakng barita repo, 642 man supaya kita’ ngarasaatn sabagian dari rahmat-Nya man agar kapal bisa balayar mang parentah- Nya man (uga’) supaya kita’ bisa ngango’ sabagian dari Karunia-Nya, supaya kita’ basukur
  47. Man sungguh, Kami udah ngutus sanape’ kao (Muhammad) dahsangahe urakng Rasul ka’ kaumnya, iaka’koa atakng ka’ ia mang ngincakng katarangan –katarangan (nang cukup), lalu Kami ngalakuatn pambalasan taradap urakng-urakng nang ba dosa. 643man marupakan hak Kami nto’ nolong urakng-urakng nang ba iman
  48. Allah lah nang ngirimpatn angin, lalu angin koa ngarakatn rahu’(awan) Allah lah ngamparatnnya ka’ langit manurut nang ia kahandaki’, man nyaadiatnnya bagumpal- gumpal, lalu kao nele’ ujatn kaluar dari calah-calahnya maka kade’ dah Ia manurun- tatnnya ka’ amba-amba-Nya nang Ia kahandaki’ tiba-tiba iaka’koa babarepoatn
  49. Padahal walopun sanape’ ujatn dituruntatn ka’ iaka’koa, iaka’koa banar-banar udah baputus asa
  50. Maka tele’lah bakas-bakas rahmat Allah, ampahe Allah ngidupatn tanah ai’ salaka’ mati (karikng). Sungguh, koa barati Ia pasti (bakuasa), ngidupatn nang udah mati. Man Ia Maha Kuasa ka’ sagala ahe pun
  51. Man sungguh, kade’ Kami ngirimpatn angin lalu iaka’koa nele’ (tumuh-tumuhan koa) jadi kuning (karikng), niscaya salaka’ koa, iaka’koa tatap ingkar
  52. Maka sungguh, kao nana’ akan sanggup mamuat urakng-urakng nang mati koa bisa nangar, man nyadiatn urakng-urakng nang bangal bisa nangaratn saru’atn, kade’ iaka’koa malek ka’ balakang
  53. Man kao nana’ bisa mare’ patunjuk ka’ urakng-urakng nang buta’ (mata atinya) dari kasasatatn nya. Man kao nana’ dapat nanga- ratn (pantunjuk Tuhan) kacoali ka’ urakng- urakng nang ba iman mang ayat-ayat Kami maka iaka’koa lah urakng-urakng nang basarah diri’ (ka’ Kami)
  54. Allah-lah nang nyiptaatn kita’ dari kaadaan lamah, laka’ koa Ia nyadiatn (kao) sasudah kaadaan lamah koa jadi kuat, kamudian Ia nyadiatn (kao) sasudah kuat koa lamah (agi’) man baubah. Ia nyiptaatn ahe nang Ia kahan- daki’. Man Ia Maha Nau’an, Maha Kuasa
  55. Man ka’ ari (katika) tajadinya kiamat, urakng-urakng nang badosa basumpah, bahoa’ iaka’koa badiapm (ka’dalapm subur) nggan sabantar (nihan). ampakoalah de’e’ iaka’koa dipalingkatn (dari kabanaratn)
  56. Man urakng-urakng nang dibare’ ilmu mang ka’ imanan bakata (ka’ urakng-urakng kapir), “sungguh, kao udah badiapm (ka’dalapm subur) manurut katatapatn Allah, sampe ari lumpat duhani babangkit. Maka nianlah ari babangkit koa(kiamat), tapi (de’e) kita’ nana’ ngayakini’ (nya)”
  57. Maka ka’ ari koa nana’ bamanpa’at (agi’) paminta’an maap urakng-urakng nang zalim, man iaka’koa nana’ uga’ dibare’ kasampatatn batobat agi’
  58. Man sabatolnya udah Kami jalasatn ka’ talino sagala macam parumpamaan – parumpama’an ka’ dalapm Al-Quran nian. Man kade’ kao ngincakng suatu ayat ka’iaka’koa, pastilah urakng-urakng kapir koa akan bakata, ”Kao nggelah urakng- urakng nang kajuh majoat kapalsuatn”
  59. Ampakolah Allah ngunci ati urakng-urakng nang bai’ mamahami’
  60. Maka basabarlah Kao (Muhammad), sungguh, janji Allah koa banar man sakali- kali ame sampe urakng-urakng nang nana’ ayakini’ (kabanaratn ayat-ayat Allah) koa ngalisahatn kao
Prev Next