24.The Light

(Nianlah) surat nang Kami turuntatn man Kami wajipatn (nyalantatn ukum- Ukumnya), man Kami turuntatn ka’ dalapmnya tanda-tanda (kakuasa’an ayat Allah) nang jalas, supaya kita’ salalu ingat
Pabaya’ nang bini man pabaya’ nang laki- laki, ditabaki’ masing-masing dari kaduanya koa saratus kali, man amelah marasa tarajuh ka’ kaduanya nyagah kao nto’ (nyalantatn) agama (hukum) Allah. Kade’ kao baiman ka’ Allah man ari naherat, uga’ supaya (ngalakuatn) ukuman nyaka’koa disaksiatn ka’ urakng-urakng nang baiman
Nang laki-laki pamabaya’ nana’ baya bini ka- coali man nang bini pamabaya’ ato man nang laki-laki musyrik; nang macam nian koa harampatn ka’ urakng-urakng mukmin
Man nang urakng-urakng nang nuduh nang bini-nang bini nang baik (babaya’) man iaka’koa nana’ ngatangan ampat urakng saksi, maka ditabaki’ iaka’koa lapan puluh kali, man amelah kita tarima’ kasaksiatnnya sampe salama-lamanya. Iaka’koalah urakng- urakng nang Fasik
Kacoali iaka’koa nang udah batobat salaka’ koa man ngedo’i’ (diri’nya) maka sungguh, Allah maha pangampon, Maha Panyayang
Man nang urakng-urakng nang nuduh bininya (babaya’), padahal iaka’koa nana’ basaksi-saksi salain ngge’ ia babaro, maka iaka’koa basaksi masing-masing ampat kali basumpah man (dama) Allah, bahoa’ iaka’koa tamasok urakng nang bakata banar
Man (sumpah) nang kalima bahoa’ laknat Allah akan nimpa’nya, kade’ ia tamasok urakng nang pangalok
Man bini nang dituduh tadi koa tahindar dari ukuman kade’ ia basumpah ampat kali man (dama) Allah bahoa’ lakinya koa batol- batol tamasok urakng nang pangalok
Man (sumpah) nang kalima bahoa’ kamurkaatn Allah akan nimpa’nya (bininya), kade’ ia (lakinya) koa tamasok urakng nang bakata banar
Man kade’ sakiranya buke’ karana karunia Allah man rahmatnya ka’ kita’ (pasti kita’ tatap namu kasulitatn). Sungguh Allah Maha panarema’ tobat. Uga’ Maha bijaksana
Sabatolnya, urakng-urakng nang ngincakng barita alok koa ialah dari golongannyu (uga’) amelah kita’ ngira barita koa buruk baginyu bahkan nang koa edo’ baginyu. Satiap urakng dari iaka’koa akan namu balasatn dari dosa nang dipajoatnya. Man sae ma’an ka’ antara iaka’koa nang naap bagiatn paling aya’ (dari dosa nang dipamuatnya), ia namu siksa nang paling aya’ (uga’)
Jahe urakng-urakng mukmin man mukminat nana’ babaik sangka ka’ diri’nya babaro. Katika kao nangar barita alok koa man bakata. ”nian koalah barita alok nang nyata”. 24. AN-N¸R
Jahe iaka’koa (nang nuduh) nana’ ngatangan saksi-saksi, maka iaka’koa dalapm panele’atn Allah ialah urakng- urakng nang pangolok
Man sa’ande’nya buke’ karana karunia Allah man rahmat nyaka’koa ka’ dunia man ka’ naherat, pasti kita’ ditimpa’ ajap nang aya’. Karana di pakataatn kita’ tantang masalah koa (barita alok)
Ingatlah katika kita’ namu (barita alok) koa dari molot- ka’ molot man kita’ ngataatn mang molot kita’ ahe nang nana’ kita’ tau’atn saebetpun, nang kita’ nganggapnya remeh, padahal ka’ dalapm panele’atn Allah nang koa hal nang miah aya’
Uga’ jahe kao nana’ bakata katika nangarnya, ”nana’ pantas nto diri’ ngomongg nang ampatn. Maha Cuci baraseh Kita’ (Allah), nian barita nang nang miah alok.”
Allah mare’ paringatatn ka’ kao supaya (ame) agi’ ngulangi’ ngkoa salama- lamanya, kade’ kita’ urakng baiman
Allah nyalasatn ayat-ayatNya ka’ kita’. Allah maha nau’an, maha bijaksana
Sasunggunya urakng-urakng nang ingin supaya pabuatatn nang miah jahat koa (barita alok) tasiar ka’ tea’ urakng-urakng nang baiman, iaka’koa bakalan namu siksa nang padih ka’ dunia man ka’ naherat. Allah nau’ani nya, sadangkan kita’ nana’ namui’nya
Man kade’ buke’ karana karunia Allah man rahmat-nya ka’ kita’ (pasti kita’ ditimpa siksanang miah aya’), Sungguh Allah Maha Panyantun, Maha Penyayang
Wahe’ urakng-urakng nang baiman! Amelah kita’ nuna’an langkah-langkah setan. Maka sasunggguhnya ia (setan) nyuruh ngarajaatn pabuatatn nang miah jahat, kade’ buke’ karana akarunia Allah man rahmat-Nya ka’ kita’. Tatap nana’ seko’pun ka’ antara kita’ baraseh (dari pabuatatn nang miah jahat koa) salama- lamanya. Tatapi Allah marasehatn sae nang ia mao’i. Mana Allah maha nangar, maha Nau’an
Uga’ amelah urakng-urakng nang ada bakalabihatn (bakajukutatn) man bakalapangatn ka’ antara kita’ basumpah bahoa’ iaka’koa (nana’) mare’a’ (patolongan) ka’ ayungannya, urakng- urakng miskin man urakng-urakng nang bapindahatn (berhijrah) ka’ jalatn Allah, kira’nya iaka’koa ma’apatn man balapang dada. Nana’ ke’ kita’repo bahoa’ Allah ngamponia’ kita’? Allah maha pangampon Maha Panyayang
Sungguh urakng-urakng nang nuduh nang bini-nang bini baik, nang langah560 nang baiman (di tuduh babaya’). Iaka’koa dilaknat ka’ dunia. Man ka’ naherat, sarata iaka’koa tatap namu siksa nang miah aya’
Ka’ ari (katika) jilah, kokot man paha nyaka’koa jadi saksi ka’ iaka’koa ka’ ahe nang de’enya paranah nya ka’ koa pajoati
Ka’ ari koa Allah nyampuranaatn balasatn nang sabanarnya ka’ iaka’koa, iaka’koa pun nau’an bahoa’ Allah maha banar maha manjalasatn
Nang bini-nang bini nang nakal ialah nto’ nang laki-nang laki nakal, man laki-laki nang nakal ialah nto’ nang bini-nang bini nakal (uga’). Sadangkan nang bini-nang bini edo’ ialah nto’ nang laki-nang laki nang edo’ maka nang laki-laki nang edo’ ialah nto’ nang bini-nang bini nang edo’ uga’. Iaka’koa baraseh dari ahe nang dituduhatn urakng. Iaka’koa namu amponan man rajaki nang mulia (saruga)
Wahe’ urakng nang baiman! Amelah kita’ nama’i’ rumah nang buke’ rumah nyu sanape’ minta’ ijin man mare’ salam ka’ ampu’nya. Nang mpeatn koa labih edo’ baginyu. Supaya kita’ kajuh ingat
Man kade’ kita’ nana’ namui’ saurakngpun ka’ dalapm nya maka amelah kita’tama’ sanape’ kita’ namu ijin. Man kade’ dikataatnya ka’ kita. ”mulaknglah!”maka mulaknglah kita’. Ngkoa labi baraseh salamat Ka’ kita’. Allah maha nau’an ahe nang kita’ karajaatni’
Nana’ ada dosa ka’ kita’ nama’i’ rumah nang nana’ didiapmi’ nang ka’ dalapmnyu ada jukutnyu, Allah nau’an ahe nang kita’ tampakatn man ahe nang kita’ sosokatn
Kataatnlah ka’ laki-laki nang baiman, supaya iaka’koa nyaga panele’atnnya, man malihara kamaluatnnya. Nang ampaikng koa labih baraseh salamat ka’ kita’. Sungguh Allah maha nau’an ahe nang nyaka’koa pamuat
Man kataatnlah ka’ nang bini nang baiman, supaya iaka’koa nyaga panele’atnnya, man nyaga/malihara kamaluatnnya, man amelah nele’atni pariasatnnya (auratnya), kacoali nang (biasa) katela’atn. Man aruslah iaka’koa nutupatn kain karudung/jilbab ka’ dadanya, man amelah nele’atn pariasatnnya (auratnya), kacoali ka’ lakinya, ato da’ pa’nya, ato da’ pa’ lakinya, ato da’ naknya nang laki-laki, ato naklakinya nang laki- laki, ato kamuda’ laki-laki daari lakinya, ato sodara-sodaranya nang laki dari nya, atto laki-laki dari sodara dari lakinya, ato nangg laki-laki dari sodara nangg binninya, ato sigana nangg bini (sabaya Islam)nya ka’kao, ato amba-amba nang ia ka’ kao ngampu’i’ ngidupi’, ato sigana palayan laki-laki (nang dah tuha) nang dah nana’ bakainginan agi’ (ka’ nang bini), ato da’ kamunda’ nang gi’ rape’ ngarati ka’ aurat nang bini. Man amelah ia ka’ koa ngautakatni pahanya supaya di tele’ pariasatn nang ia ka’ koa sosokatni’. Batobatlah kita’ samua ka’ Allah. Wahe urakng-urakng nang baiman, supaya kita’ baruntukng batuah
Man kawintatnlah urakng-urakng nang masih bujakng ka’ antara kita’, man uga’ urakng-urakng nang dah layak (kawin) dari amba-ambanyu nang kali-laki man nang bini-bini. Kade’ iaka’koa miskin , Allah tatap mare’nya kamampuatn man karunia- Nya. Man Allah maha luas (pamare’atnnya), man maha nau’an
Man nang urakng-urakng nana’ mampu kawin aruslah ia nyaga kasuciatnnya. Sampe’ Allah mare’ kamampuan ka’ iaka’koa man karunia-Nya. Man kade’ amba-amba nang kita’ ngampu’i’ ngingintatn pajanjiatn (kabebasatn), maka pajoatlah di kita’ pajanjian man iaka’koa, kade’ kita’ nau’an ada kabaikatn ka’ iaka’koa, man bare’atnlah ka’ iaka’koa. Sabagiatn harta Allah nang dikaruniaatnya ka’ kita’. Man amelah kita’ paksa amba-ambanyu nang bini ka’ koa nto’ ngalakuatn palacuratn, Sadangkan ia sandiri ingin kasuciatnnya tajaga, karana kita’ mao’ ngago’ kauntungan idup ka’ dunia. Sae ma’an nang maksa nyaka’koa maka sungguh Allah maha pangampon, Maha Panyayang (ka’ iaka’koa) kade’ ia ka’ koa dipaksa
Man sungguh, Kami udah nuruntatn ka’ kita’ ayat-ayat nang mare’ panjalasatn, man contoh-contoh dari urakng-urakng nang dah de’e sanape’ kita’ man sabage palajaran ka’ urakng-urakng nang bataqwa
Allah (nang mare’) cahaya (ka’) langit man ka’ tanah ai’. Parumpama’an cahaya-Nya, mpahe sabuah lubakng nang nana’ tambus, 562 nang ka’ dalapmnya ada corong (palita) aya’. Corong koa ka’ dalapm tabung kaca, tabung kaca koa ampahe bintakng nang bakilauatn, nang dinyalaatn make binyak dari batakng kayu nang dibarakati. ((ialah) batakng zaitun nang tumuh nana’ ka’ timur nana’ uga’ ka’ barat. 563 Nang binyaknya (ja’) amper-amper mamuat tarang walopun nana’ disantuh api. Cahayanya ka’ atas cahaya (balapis-lapis), Allah mare’ patunjuk ka’ cahayaNya nto’urakng nang Ia mao’i’. Allah mamuat parumpama’an-parumpama’ an ka’ talino. Man Allah Maha Nau’an ka’ sagala ahe pun
(Cahaya koa) ka’ rumah-rumah nang ka’ dikoa udah Allah parrenntahatn nto’ ngamuliaatn nyabut dama-Nya. Ka’ koa batasbih (nyuciatn)564 dama-Nya waktu bakalapm man gumare’ ari
Urakng-urakng nana’ di lengahatn di padagangan manda’ jual beli nto’ ngingat Allah, iaka’koa ngarajaatn solat, man ngaluaratn jakat, iaka’koa gali’ ka’ ari na’e nang ati man panele’atn jadi bagoncang (ari kiamat na’e)
(Iaka’koa ngalakuatnnya) suapaya Allah mare’ balasatn ka’ iaka’koa man nang labih edo’ dari ahe nang udahnya karajaatn. Man suapaya Ia (Allah) nambah karunianya ka’ iaka’koa. Allah mare’ rajaki ka’ sae nang Ia mao’i’ nana’ babatas
Man urakng-urakng nang kapir, pabuatatnnya (amalnya) mpahe fatamorgana ka’ tanah nang rata. Nang disangka’ aidi urakng-urakng nang ka’ausatn. Tapi kade’nya totok nana’ ada ahe-ahe. Nang nya tamui’ (nggan katatapatn) Allah ka’ diri’nya. Lalu Allah mare’atn ka’ ia paretongan (amal-amal) nang sampurana. Man Allah batol-batol capat paretongan- nya
Ato (ka’adaan urakng-urakng kapir) kao ampahe galap gulita ka’ lautan nang dalapm. Nang dikolilikngi’ di sigana galombang-galombang, ka’ atasnya ada (agi’), rahu’ nang galap. Ngkoalah galap nang balapis-lapis. Kade’ ia (kapir) ngaluaratn kokotnya amper nana’ bisa nyatele’. Sae ma’an nang nana’ Allah bare’ cahaya (patunjuk) maka ia nana’ bacahaya saebet pun
Nana’ ke’ kao (Muhammad) nau’an bahoa’ ka’ Allah lah batasbih ahe nang ada ka’ langit man ka’ ai’ tanah, man uga’ burukng nang ngambangkatn seapnya. Masing-masing udah nau’an (cara) bado’a man batasbih. Allah maha nau’an nang ia ka’ koa karajaatn
Nu’ Allah karaja’an langit man ai’ tanah. Man ngge ka’ Allah ihanlah kambali (sigana mahluk)
Nana’ ka’ koa nele’ bahoa’ Allah majoat rahu’ bagarak sawe’-sawe’, lalu Ia mamuat- nya batompo’-tompo’, laka’ koa koa tele ujatn kaluar dari calah-calahnya. Man ia uga’ nuruntatn (biri’biti’ es) dari langit, (nyakoa) dari (gumpalatn-gumpalatn raho’ ampahe) gunung-gunungg, maka di timpa’atn Nya ees koa ka’saee nang ia mao’i’, man-Nya ela’atn ka’sae nang-Nya mao’i’. Sinarnya bakilat amper-amper ngilangkatn panele’atn
Allah mangantiatn malapm man siakng. Sungguh nang macam nian koa, pasti tadapat palajaran nto’ urakng-urakng nang ada bapanele’atn (nang tajapon)
Man Allah majoat samua laok dari ai’,maka sabagian ada nang bajalatn man parutnya, uga’ sabagian bajalatn man dua pahanya. Sadangkan sabagian nang lain bajalatn man ampat pahanya. Allah majoat ahe nang Ia mao’i’. Sungguh Allah maha bakuasa ka’ samua jukut
Sungguh Kami (Allah) udah nuruntatn ayat- ayat nang mare’ panjalasatn. Allah mare’ patunjuk ka’ sae nang Ia mao’i’ ka’ maraga nang loeor
Iaka’koa (urakng-urakng munapik) bakata, ”kami udah baiman ka’ Allah man ka’ Rasul (Muhammad) man kami na’ati’ kaduanya”, dah koa sabagian dari nyaka’koa bapaling abis koa. Iaka’koa buke’ lah urakng-urakng nang baiman
Man kade’ iaka’koa dibaba ka’ jalatn Allah man Rasul-Nya, supaya (Rasul) mutusatn pakara ka’ antara nyaka’koa, tiba-tiba sabagian dari nyaka’koa nolak (bai’ atakng)
Tapi kade’ kabanaratn koa ka’ pihaknya. Iaka’koa baatangan ka’ ia (Rasul) batol- batol patuh
Ahe ke’ (nana’ kaatangan nyaka’koa karana) ka’ dalapm ati nyaka’koa ada panyakit. Ato karana iaka’koa ragu-ragu ato karana gali’ kade’ Allah man Rasul-Nya babuat jalim ka’ iaka’koa? Sabatolnya, iaka’koalah urakng-urakng nang jalim
Hanya pakataatn urakng-urakng mukmin, nang kade’ iaka’koa dibaba ka’ Allah man Rasul-Nya mutusatn (pakara) ka’ ntaranya ka’koa, 566 iaka’koa bakata, ”kami nangar man kami ta’at”. Iaka’koa lah urakng- urakng nang baruntukng
Man sae ma’an nang ta’at ka’ Allah man Rasul-Nya sarata gali’ ka’ Allah man bataqwa ka’ Ia, iaka’koalah urakng-urakng nang namu kamanangan
Uga’ iaka’koa basumpah man (dama) Allah basumpah sidi-sidi, bahoa’ kade’ kao nyuruh iaka’koa baparang. Pastilah iaka’koa ba’ ampusatn. Kataatnlah Muhammad, ”amelah kita’ basumpah, (karana nang dipinta’) ialah kata’atatn nang edo’, Sungguh Allah maha taliti’ ka’ Sigana ahe nang kita’ karajaatn”
Kataatnlah, ”ta’atlah ka’ Allahman ta’atlah ka’ Rasul; kade’ kati’ bapaling maka sabatol- nya kawajipatn Rasul (Muhammad) koa ng- gan ahe nang di uba’ atu ka’ ia, man kawajip- annyu nggelah ahe nang di uba’atn ka’ kita’. Kade’ kita’ ta’at ka’ ia (muhammad) pasti kita’ namu patunjuk. Kawajipatn Rasul ngge- lah nyampeatn (amanah Allah) nang jalas”
Allah udah nyanjiatn ka’ urakng-urakng ka’ antara kita’ nang baiman man ngarajaatn kabaikatn. Bahoa’ Ia (Allah) pasti tatap nyadiaatn iaka’koa bakuasa ka’ tanah ai’ sabage’ mae Ia udah nyadiaatn urakng- urakng sanape’ iaka’koa bakuasa, man sungguh Ia akan naguhatn iaka’koa man agama nang udahNya ridoi’ (rela’atn/iklasatn). Uga’ Ia batol-batol ngubah (ka’ade’an) nya ka’ koa, salaka’ barada ka’ dalapm kagali’anan manjadi aman santosa. Iaka’koa (tatap) nyambah Aku man nana’ masakutuatn Aku man ahe pun. Tapi sae ma’an tatap kapir salaka’ (janji) koa, maka iaka’koalah urakng-urakng nang labih (fâsiq)
Man karajaatnlah solat, kaluaratnlah zakat, man ta’atlah ka’ Rasul-Nya (Muhammad), supaya kita’ dibare’ rahmat
Amelah kita’ ngira bahoa’ urakng-urakng kapir koa bisa lolos dari siksaatn Allah ka’ dunia; sadagkan tampat pulangnyaka’koa (ka’ naherat nia) ialah naraka. Nang koa lah saburuk-buruk tempat pulangnya
Wahe’ urakng-urakng nang baiman! Kira’nya amba-amba (nang laki-laki man nang bini-bini) nang kita’ ngampu’i’ man nang urakng-urakng nang gi’nape’ aya’ (dewasa) ka’ antara kita’, minta ijin ka’ kita’ dalapm talu kasampatan, nya koa sanape’ solat subuh, sa’at kita’ nangalatn pakean kita’ tangah ari (katika angat), man salaka’ solat isya’. Ngkoalah talu (tiga) aurat (waktu) nto’kita’. 567 Nana’ ada dosa bagi kita’ man nana’ uga’ baginya ka’ koa salain dari talu waktu koa. Iaka’koa kaluar masok ngalayani kita’, sabagian kita’ man sabagian nang lain. Nianlah Allah nyasalatn ayat-ayat ka’ kita’ Allah Maha nau’an, Maha Bijaksana
Man kade’ nak-nak kita’ udah sampe’ umur dewasa (dah aya’) maka aruslah uga’ iaka’koa minta ijin. 568 Nianlah Allah nyalasatn ayat-ayatnya ka’ kita’, Allah Maha nau’anMaha Bijaksana
Man nang bini dah tuha nang udah baranti men mang babuntikng, nang dah bai’ balakia’ agi’. Maka nana’ badosa ngalodosatn pakean (nang luar)569 nyaka’koa nang nana’ (bamaksud) nele’atn pariasan; tapi mihara kahormatan koa labih edo’ bagi nyaka’ koa, Allah Maha Nangar man Maha nau’an
Nana’ bahalangan urakng buta, nana’ uga’bagi urakng nang pincang, nana’ pula bagi urakng nang sakit. Man nana’ pula bagi kao. Makatn (barage-rage man ia ka’ kao) ka’ rumahnyu ato ka’ rumah da’ pa’nyu, ka’ rumah da’ we’nyu, ka’ rumah kamarkapala darinyu nang laki-laki, ka’ rumah kamarkapalanyu nang bini-bini, ka’ rumah kamarkapala da’ pa’nyu nang laki-laki, ka’ rumah kamarkapala da’ pa’nyu nang bini- bini, ka’ rumah kamarkapala da’ we’nyu nang bini-bini, (ka’ rumah)nyu nang kao ada kuncinya570 ato ka’ rumah ayukng- ayukngnyu. Nana’ ada alangan ka’ kita’ makatn barage man iaka’koa ato babaro- babaro. Kade’ kita’ nama’i’rumah-rumah aruslah kita’ mare’ salam (ka’ urakng- urakng nang niami’nya, ba’arti mare’ salam) ka’ diri’nyu babaro, man salam nang babarakat dari Allah. Lau nianlah Allah nyalasatn ayat-ayat Nya ka’ kita’ supaya kita’ ngarati
(Nang disabut) urakng mukmin nggelah urakng nang baimanka’ Allah man ka’ Rasul-Nya (Muhammad), man kade’ iaka’koa barage man ia (Muhammad) dalapm sote’ urusan basama, iaka’koa (urakng mukmin) nana’ ningalatn (Rasulullah) sanape’ minta’ ijin ka’ ia. Sungguh urakng-urakng nang minta’ijin ka’ kao Muhammad, iaka’koalah urakng-urakng nang sidi batol baiman ka’ Allah man ka’ Rasul-Nya. Maka kade’ iaka’koa minta ijin ka’ kao karana soatu kapalaluatn, bare’lah ijin ka’ sae nang kao mao’i’ ka’ ntaranya ka’ koa. Man bapamang bapinta’ bapamponlah nto’ iaka’koa ka’ Allah. Sungguh Allah Maha Pangampon, man Maha Panyayang
Amelah kita’ nyaru’ Rasul koa mpahe kita’ nyaru’ sabaya’ kita’. Sungguh Allah nau’an ka’ urakng-urakng nang kaluar sambel nosok-nosok ka’ antara kita’ mang batangah (ka’ ayukng-nyaka’koa), maka aruslah urakng-urakng nang nyalahi parentah Rasul- Nya gali’namua’ coba’an ato ditimpa’ siksaatn nang batol-batol padih
Tu’atnilah sabatolnya nu’ Allah-lah sigana ahe nang ada ka’ langit man ka’ ai’ tanah. Ia nau’an ka’ada’atn kita’ ampaikng. Man (nau’an uga’) ari (sa’at iaka’koa) dipulang katni’ ka’ Ia (Allah), lalu Ia tarangkatn ka’ iaka’koa ahe nang dah udah iaka’koa karajaatn. Allah Maha Nau’an ka’ sigana jukat ahe pun

Prev Next